Proqram təminatı nəhəngi Microsoft-a görə, Qualcomm tərəfindən hazırlanan Snapdragon X Elite prosessorlu noutbuklar M3 ilə təchiz edilmiş MacBook Air modellərini geridə qoyacaq. Bu gün ortaya çıxan xəbərlərə görə, Microsoft Arm əsaslı yeni Windows noutbuklarının həm əsas emal performansında, həm də süni intellektlə sürətləndirilmiş tapşırıqlarda M3 prosessorlu Apple MacBook Air-i üstələyəcəyinə tam əmindir.
Qeyd edək ki, X Elite prosessorlu yeni modellərin mayın 20-də baş tutacaq Microsoft tədbirindən sonra bazara çıxması gözlənilir. Həmçinin, Snapdragon X Plus-ın Snapdragon-dan sonra gələcəyi də bildirilir. Ümumiyyətlə, Qualcomm brendi Snapdragon X Elite ilə kompüter xüsusilə noutbuk tərəfində iddialıdır. Bundan əlavə, şirkətin daha aşağı performanslı Snapdragon X Plus üzərində çalışdığı bildirilir. Artıq smartfon bazarında liderliyi ələ alan Qualcomm şirkəti Snapdragon seriyasının kompüter sənayesində də uğur əldə edəcəyinə inanır.
Şirkətin X Plus adlı prosessoru barədə hələlik məlumat yoxudr. Lakin yeni versiyanın 10 fərqli nüvə üzərində qurulduğu və daha aşağı saat sürətlərində işləyəcəyi iddia edilir. Bundan əlavə, Snapdragon X65 5G modemli bu prosessorun əsasən incə və yüksək performans vəd etməyən cihazlarda istifadə olunacağı gözlənilir. Qualcomm-un öz məlumatlarına görə, Geekbench-in çoxnüvəli testində Snapdragon X Elite prosessoru 15,300 xal, Apple M3 prosessoru isə 12,154 xal toplayır.
Əvvəlki paylaşımlara görə, 4 nm əsaslı prosessor 4,3 GHz-ə çata bilən 12 “Orion” performans nüvəsi üzərində qurulub. Qeyd edək ki, Apple M1/M2 rəqibi 4,6 FLOPS Adreno GPU, 45 TOPS NPU, yəni süni intellekt bloku ilə güclü prosessora malikdir və eyni zamanda üç fərqli 4K displey (və ya iki fərqli 5K displey) işlədə bilər. 136 GB/s-ə qədər LPDDR5X RAM-ı dəstəkləyən prosessor yüksək səviyyəli quraşdırılmış süni intellekt imkanlarına malikdir. Qualcomm-un 2024-cü il Oyun Tərtibatçıları Konfransındakı təqdimatına görə, bu əlamətdar ARM əsaslı prosessor oyun uyğunluğu ilə bağlı heç bir problem yaratmayacaq.
