Bu gün bir çoc flaqman smartfonlarda istifadə olunan Snapdragon çipsetlərinin yeni nəsil versiyası olacaq Snapdragon 8 Gen 4 Arm nüvələrindən imtina edəcək. Beləliklə flaqmn çipset gözləniləndən daha performanslı və sürətli ola bilər. Ümumiyyətlə Qualcomm yeni Orion nüvələrinin gələcək nəsil çipsetlərində istifadə ediləcəyi daha əvvəl açıqlamışdı. Yeni nüvələr 2021-ci ildə alınan və keçmiş Apple mühəndislərinin çoxluq təşkil etdiyi Nuvia şirkətinə məxsusdur. Beləliklə deyə bilərik ki, yeni 8 Gen 4 çipseti Nuvia nüvələrini qəbul edən ilk çipset kimi tarixə keçəcək.
Maraqlısı budur ki, Snapdragon 8 Gen 4 çipsetinin Apple A seriyası prosessorlarına bənzər 2 Phoenix, 6 Phoenix M nüvəsi ilə təchiz ediləcəyi bildirilir. Nüvələrin sayı gözləniləndən az olsa da, çipsetin bant genişliyini artıracaq LPDDR6 kimi təkmilləşdirmələr vasitəsi ilə onun performansı da əvvəlkindən daha güclü olacaq. Hətta Orion kimi də tanınan Nuvia nüvələrinin 8 Gen 4 üçün 40%-lik çox nüvəli performans artımı təmin edə biləcəyi bildirilir. Həmçinin yeni flaqman çipsetdə şirkət N3E prosesinə keçəcək.
Ümumiyyətlə yeni flaqman çipset Nuvia nüvələri vasitəsi ilə Apple şirkətinin bir çox flaqman çipseti ilə rəqabət apara biləcək. Bu isə gələcəkdə Android smartfonların iPhone modelləri ilə başa-baş rəqabət aparacağı deməkdir. Yeni flaqman çipsetin performansının Apple brendinin hazırkı flaqman M2 çispetindən daha yüksək performansa sahib olduğu bildirilir. Buna görə də Samsung çox güman ki, yeni flaqman çipsetə maraq salacaq.
