Ötən aylarda Rusiyanın ən böyük onlayn pərakəndə satış şirkətinin yeni ölkələrin bazarına daxil olmağı planladığından xəbər vermişdik. Beləliklə Wildberries şirkəti rəsmi olaraq Azərbaycanda fəaliyyətə başlayıb. Bu barədə şirkət özü məlumat yayıb. Hətta Azərbaycanda alıcıların ixtiyarına 5 milyondan çox mal çeşidi verilib. Bunlar müxtəlif kateqoriyaya aiddir.
Wildberries şirkəti Azərbaycanda fəaliyyətə başlaması ilə bağlı yaydığı məlumatda qeyd edib ki, “Wildberries” beynəlxalq onlayn platforması öz coğrafiyasını genişləndirir və Azərbaycan bazarına daxil olur. Platformanın ölkədə işə başlaması sayəsində sakinlər geniş çeşiddə mallara çıxış əldə edəcəklər, yerli biznes nümayəndələri isə satışa başlamaq imkanı qazanacaqlar”. Yeni onlayn pərakəndə satış şirkətinin bazara daxil olması həm iqtisadiyyatı canlandıracaq, həm də rəqabəti artıracaq. Çünki bu gün ölkəmizdə Umico, Trendyol və Hepsiburada kimi bir çox satış şirkəti fəaliyyət göstərir. Wildberries şirkətinin də bazara daxil olması onlar arasındakı rəqabəti gücləndirəcək.
Hazırda şirkət Rusiyadan əlavə olaraq Ermənistan, Türkiyə, ABŞ, Özbəkistan, Qazaxıstan, Qırğızıstan, Moldova, SLovekiya, İspaniya, İtaliyə və digər ölkələrdə fəaliyyət göstərir. İndi isə Ümumilikdə şirkət 15 ölkədə 48 min işçi ilə fəaliyyət göstərən şirkətin əhatə dairəsi biraz da genişləndi. Qeyd edək ki, şirkət əsasən geyim, ayaqqabı, kosmetika, ev əşyaları, uşaq məhsulları, elektronika, qida və digər çeşidlərdə məhsullar təklif edir. Belə ki, şirkət onlayn şəkildə gündə ortalama 750 min sifariş emal edir. Ölkəmizdə isə məhsulları müəyyən təhvil məntəqələrindən əldə etmək mümkün olacaq.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
