Rusiyanın ən böyük onlayn pərakəndə satış şirkəti yeni ölkələrin bazarına daxil olmağı planlayır. Belə ki, Wildberries satış sirkəti Azərbaycan bazarına da daxil olmaq istəyir. Bu barədə şirkətin qurucusu və baş direktoru olan Tatyana Bakalchuk jurnalistlərə verdiyi müsahibədə qeyd edib. T.Bakalchuk bildirib ki, “Biz MDB-də böyüməyi düşünürük, bəzi ölkələr bizim işlədiyimiz ölkələr arasındadır. İndi Wildberries şirkəti olaraq Azərbaycan, Tacikistan, Gürcüstan kimi ölkələrdə fəaliyyətə başalamağı düşünürük”. Əlavə olaraq Bakalchuk bildirib ki, Wildberries şirkəti daha çox ölkədə fəaliyyətini genişləndirərkən rebrendiq etmək üzərində də çalışır. Belə ki, müsahibə zamanı Bakalchuk “Biz brendin bir qədər köhnəldiyini hiss edirik, onun səmimi və müasir kimi görünməsini istəyirik” deyə qeyd edib.
Ümumiyyətlə Wildberries onlayn pərakəndə satış şirkəti Azərbaycan bazarına daxil olacağını açıq şəkildə bildirsə də, hələlik mümkün konsepsiyalarını nəzərdən keçirir və son versiyanı təsdiq etməyib. Əgər Rusiyanın ən böyük pərakəndə satış şirkəti ölkəmizdə fəaliyyət göstərərsə müsbət iqtisadi təsir göstərə bilər. Belə ki, bu şirkət bir çox ölkədə ucuz və keyfiyyətli məhsulları təklif edərək fəaliyyət göstərir.
Bu ölkələrə isə Rusiyadan əlavə olaraq Ermənistan, Türkiyə, ABŞ, Özbəkistan, Qazaxıstan, Qırğızıstan, Moldova, SLovekiya, İspaniya, İtaliyə və digər şirkətlər daxildir. Ümumilikdə şirkət 15 ölkədə 48 min işçi ilə fəaliyyət göstərir. Qeyd edək ki, şirkət əsasən geyim, ayaqqabı, kosmetika, ev əşyaları, uşaq məhsulları, elektronika, qida və digər çeşidlərdə məhsullar təklif edir. Belə ki, şirkət onlayn şəkildə gündə ortalama 750 min sifariş emal edir.
Startap ekosistemi xəbərlərini "İnnovasiya və Rəqəmsal İnkişaf Agentliyi" ilə tərəfdaşlıq çərçivəsində oxuyursunuz.
