Qualcomm şirkəti orta-üst seqment adlandırmağın çox çətin olduğu, lakin adı ilə də “gələcəkdən” gəldiyini göstərən Snapdragon 7+ Gen 2 çipsetini anons etdi. Snapdragon 7 Gen 1 çipsetindən sonra, nə 7+ Gen 1, nə də 7 Gen 2 çıxmadan bu çipsetin çıxarılması əvvəlcə bizə bəzi detallar verir. Böyük bir ehtimalla şirkət ən top performansa fokuslanıb Snapdragon 7+ Gen 2 çipsetini anons etməsinin ardıyca, ötürdüyü adlarla aralıq çipsetləri təqdim edəcək. 7+ Gen 2 çipsetinə gəldikdə isə, əslində bizi modifikasiya dəyişikliyi edilmiş 8+ Gen 1 qarşılayır deyə bilərik. Çünki, texniki cəhətdən sahib çipsetin sahib olduğu bütün xüsusiyyətlər çox oxşarlıq təşkil edir.
Snapdragon 7+ Gen 1 çipseti 4nm TSMC istehsal prosesi üzərinə qurulan Cortex-X2 nüvəsinə əsaslanan çipsetdir. Snapdragon 7 Gen 1 çipsetinin Samsung istehsalı 4nm texnoloji prosesə malik olduğunu nəzərə alsaq, TSMC əsaslı istehsal prosesi effektivlik və performans baxımından çox güclü təkmilləşmə gətirmiş olacaq. Şirkətin açıqlamasına görə CPU performansı 50% artarkən, effektivlik 13% yaxşılaşıb. GPU performansı isə tam olaraq 2 dəfə artmaqla 100% üzərində təkmilləşmə göstərib
Çipset 1 ədəd 2.91GHz tezlikli Cortex-X2, 3 ədəd 2.49GHz tezlikli Cortex-A710, 4 ədəd 1.8GHz tezlikli Cortex-A510 nüvələrinə sahibdir. Qrafik çipi Adreno 725-dir. Qeydlərə görə 580MHz tezlikdə işləyir. Texniki baxımdan Snapdragon 8+ Gen 1 çipsetinin tezliyi azaldılmış variantı kimi görünən Snapdragon 7+ Gen 1, böyük bir ehtimalla olduqca möhtəşəm batareya performansı göstərəcək.
Qualcomm şirkətinin birbaşa Dimensity 8000 və Dimensity 9000 seriyasını hədəf alaraq çıxardığı orta-üst seqment çipset hal-hazırda bazardakı ən “optimal” çipset hesab oluna bilər. Süni intellekt tərəfində Qualcomm AI Engine ilə 2 dəfə daha yüksək emal gücünü 40% daha az enerji sərf edərək verən Snapdragon 7+ Gen 2 ilk dəfə Redmi Note 12 Turbo modelində qarşımıza çıxacaq.
Qeyd edək ki, 200MP kamera sensorlarını dəstəkləyən çipset olduqca güclü ISP ilə təchiz ediləcək. Kamera performansı tərəfində xüsusilə gecə çəkilişləri üçün 30 foto kadrı eyni anda emal edən 18 bitlik Spectra ISP tələblərinizi layiqincə qarşılayacaqdır. Təbii ki, belə güclü çipsetdə yazmağa ehtiyac olmasa da UFS 3.1, LPDDR 5, WiFi6/6E, Bluetooth 5.3 dəstəyi kimi detallar əlavə edilib. Lakin smartfonların qiymətinə bu çipsetin necə təsir edəcəyi bilinmir. İlkin təxminlər dəyəri həddindən artıq yüksəldəcəyi yönündədir.
