Bir müddət əvvəl Çinli insayderlər tərəfindən Qualcomm şirkətinin Snapdragon 7 gen seriyasını flaqmanlar səviyyəsinə yüksəldiləcəyi deyilmişdi. Bu xəbərləri qüvvətləndirən detallar çox az idi. Lakin yeni sızdırılan məlumatlar göstərir ki, Qualcomm həqiqətən də uzun illər sonra orta-üst seqmentdə, premium üst səviyyə flaqman çipsetlər qədər ciddi performans göstərən Snapdragon 7 Gen seriyası çipsetini anons edə bilər. Bəli, siz soruşmadan biz qeyd etsək, performans hətta Snapdragon 8 Gen 1 çipsetindən cüzi üstün, Snapdragon 8+ Gen 1 çipsetinin gerisində görünür.
Snapdragon 7 Gen seriyası çipsetin necə adlanacağı hələlik naməlumdur
İlkin ehtimallara görə Snapdragon 7+ Gen 1 olaraq gözlənilən bu çipset, əslində Snapdragon 7 Gen 1 ilə müqayisədə qat-qat üstün performans göstərir. Ona görə Snapdragon 7 Gen 2 adlandırılması daha məntiqli olmalıdır. Faktiki olaraq Geekbench nəticələrinə baxdıqda çipsetin təkli nüvələri 1232 xal, çoxlu nüvələri 4095 xal toplayır. 4nm TSMC istehsal prosesi ilə hazırlanmış çipset iddialara görə bu performansı 1 ədəd 2.92GHz Cortex-?? nüvəsi, 3 ədəd 2.5GHz tezlikli Cortex-A7?? nüvəsi və 4 ədəd 1.80GHz tezlikli Cortex-A5?? nüvələri hesabına verir. Qrafik çipi isə 580MHz tezlikli Adreno 725 olaraq qeyd olunur.
İnsayderlərin dediyinə əsasən, bu çipset Snapdragon 8+ Gen 1 çipsetinin modifikasiya dəyişikliyi edilərək ucuzlaşdırılmış variantı kimi çıxış edəcək. Bu çipsetin mart ayı bitmədən SM7475 model nömrəsi altında anons edilib, Redmi Note 12 Turbo modeli ilə təqdim edilməsi gözlənilir. Xüsusilə qlobal bazar üçün də hazırlıq mərhələsində olan bu cihaz POCO F5 olaraq adlandırılmalıdır. Xiaomi şirkətindən başqa performans nəzərən çox güclü olan çipseti Realme, Oppo və Vivo də işlətmək üçün növbədə gözləyirlər. Ola bilsin ki, bu Çin şirkətlərindən biri çipsetin təqdimatını belə gözləmədən cihazı dərhal yayımlaya bilərlər.
Nəticə etibarilə MediaTek ilə rəqabəti görmək ən maraqlı hissə olacaq. Snapdragon 7 Gen seriyasına məxsus bu çipset qiymətləri çox yüksəlməsinə səbəb olarsa, şirkətlər Dimensity seriyasından yana daha çox seçim edəcəklər.
