Qualcomm büdcə dostu smartfonlara güc verəcək yeni Snapdragon 4s Gen 2 çipsetini bizlərə təqdim edib. Belə ki, yeni çipset sələfi ilə müqayisədə əhəmiyyətli performans və enerji səmərəliliyi təkmilləşdirmələri ilə gəlir. Mobil çipset sahəsində aparıcı adlardan birinə çevrilmiş Qualcomm məhsul çeşidini şaxələndirməyə davam edir.
Qualcomm indi özünün ən yeni büdcə yönümlü Snapdragon 4S Gen 2 çipsetini təqdim edib. Büdcə yönümlü çipset 5G dəstəyi, daha yaxşı GPS performansı və digər yeniliklərə sahib olub. Rəsmi elana görə, Snapdragon 4s Gen 2, 4nm istehsal prosesində 2GHz-ə qədər sürətə çata bilən iki performans nüvəsi (Cortex-A78) və 1,8GHz sürətə çata bilən altı səmərəlilik nüvəsi (Cortex-A55) ilə gəlir. GPU tərəfində isə OpenGL ES 3.2, OpenCL 2.0, Vulkan 1.1 dəstəyi ilə Adreno 619 GPU yerləşdirilib. Beləliklə çipset, gündəlik işlərdə daha çox batareyaya qənaət edə və oyunlar kimi intensiv istifadə vəziyyətlərində daha çox performans təmin edə biləcək.
Bundan əlavə, yeni çipset Wi-Fi 6 və Bluetooth 5.3-ü dəstəkləmir. 5G şəbəkələrində 1 Gbit/s-ə qədər yükləmə sürəti təklif edən çipset Snapdragon 5G Modem-RF ilə gəlir. Snapdragon 4s Gen 3 2133 MHz-ə qədər LPDDR4x yaddaş, UFS 3.1 yaddaş və sürətli doldurma üçün Quick Charge 4+ dəstəyi təklif edir. 90Hz-də FHD + (1080 x 2520) displey dəstəyinə əlavə olaraq, H.264 (AVC), H.265 (HEVC), VP8 və VP9 kodekləri ilə uyğunlaşa biləcək. Kamera tərəfində isə 4s Gen 2, 84 MP-ə qədər foto çəkilişi və 60 kadr sürətlə 1080p video qeydini dəstəkləyir.
