Nüvə enerjisi ilə işləyən və süni intellekt tərəfindən idarə olunan uçan otel konsepti ictimaiyyətə təqdim edildi. Bu təyyarə, daha doğrusu baraj balonu şəklində olan konsept Sky Cruise adlanacaq. Bu konsept nüvə enerjisi sayəsində bir neçə il yerə enməyə ehtiyac olmadan havada qala biləcək. Süni intellektlə idarə olunacaq hava gəmisi 5 min nəfər tutumlu olacaq şəkildə hazırlanıb. Uçan otelin 2040-cı ildə səmada olması planlaşdırılır. Bildirilib ki, otelin Tony Holmsten və Hussein Al-Ghaili tərəfindən layihələndirilib. Təyyarələr arasında mükəmməl texnologiya olmadığını deyən layihə yaradıcıları, Sky Cruise xidmətinin dünyada bir ilk olacağını deyirlər. Eyni zamanda bildirilib ki, Sky Cruise səmada karbon izi qoymayacaq. Təyyarə 20 elektrik mühərriki ilə hərəkət edəcək.
Bir neçə il havada qala biləcək!
“Nüvə enerjisi sayəsində otelin yanacağı uzun müddət tükənməyəcək. Bu yolla o, yerə dəymədən bir neçə il havada asılı qala bilər”, – deyə dizaynerlər bildiriblər.
Sky Cruise-də bundan əlavə çoxlu bar və restoranlar, hovuzlar, müşahidə göyərtələri, oyun otaqları və kinoteatrdan ibarət olacaq. Uçan “mehmanxananın” konstruktorları onu da bildirdilər ki, süni intellekt gəmiyə rəhbərlik etməklə yanaşı, hər hansı burulğanı öncədən proqnozlaşdıracaq və hətta gözlənilir ki, təyyarə burulğanın qarşısında davam gətirə biləcək.
Sky Cruise – nüvə yanacağı ilə işləməsinə cavab
Nəhəng uçan otelin dizaynı da nüvə enerjisi ilə təchiz olunduğu üçün tənqid edilib. Bildirilir ki, uçan otel qəzaya uğrayarsa, bu, böyük fəlakətlə nəticələnə bilər. Bu da bütün bəşəriyyət üçün təhlükə törətməsi cəhətdən qaçınılmazdır.
Konseptin 2040-cı ilə qədər reallaşdırılmasının nəzərdə tutulduğu açıqlansa da, bəziləri bunun elmi fantastikadan artığı olmayacağını iddia edir.
