Bildiyimiz kimi Vikipediya platforması axtardığınız bir çox məlumatı tapa biləcəyiniz azad ensiklopediyadır. İndiyə qədər bu platformada insanların etdiyi əlavələr və düzəlişlər platformanın inkişafına daim təkan vermişdir. Lakin insanlardan müəyyən qədər asılı olan bu platformada oxuduğunuz hər şeyin doğru olmadığını bilməlisiniz. Çünki, bəzən “axmaq” insanlar doğru kimi görünən yanlış məlumatlar yerləşdirə bilirlər. Belə ki, Çinli bir qadın Vikipediyada qeydə alınan ən böyük saxtakarlıqlardan birini həyata keçirib. Hətta həyata keçirməklə qalmayıb 10 ildən çoxdur bu işi adətən öz peşəsinə çeviribmiş.
Çinli qadın Vikipediyada bu vaxta qədər tarixlə əlaqəli 206 məqalə yazıb
Saxtakarlıq faktı, Çinli roman yazarı Yifan tərəfindən təsadüfən aşkarlanıb. Bir kitabla bağlı araşdırma aparan Yifan mənbədə 14 və 15-ci yüzilliklərdə Rusiyada olan gümüş mədənindən bəhs edən məqalələrdən biri ilə qarşılaşıb. Mədəndən bəhs edən məqalənin həddindən artıq detallı olduğunu, torpaq elementlərindən tutmuş, mədənin quruluşuna qədər məlumatların yazıldığını görməsi onu şübhələndirib.
Zhemao adlı qadının istinadlarını araşdırmağa başlayan Yifan, Rus dilini bilən insanlarla da əlaqə yaradaraq məlumatların həqiqi olub-olmadığını öyrənməyə çalışıb. Nəticədə nə verilən istinadlardakı kitab səhifələrini, nə də elə kitabların varlığını aşkarlayıb. Daha sonra könüllü qrup toplayıb qadının digər araşdırmalarını araşdıran Yifan, yazılan məqalələrin qaynağı kimi göstərilən hər şeyin saxta olduğunu sübut edib.
2007-ci ildən etibarən professor kimi göstərən Çinli Zhemao-nun, əslində 24 yaşında olduğu və vikipediyada göstərdiyi kimi elmi dərəcəsi olmadığı ortaya çıxarıb. Zhemao, Rusiyada yaşamadığını və həyat yoldaşının da Rus deyil, Çinli olduğunu qəbul edib. Dediyinə görə Rus və İngilis dilində olan qaynaqları tam başa düşmədiyi üçün, tərcümə proqramları ilə belə yazılar yazmağa başlayıb. Yaxşı nəticə ala bilmədikdə isə tarix məqalələrini öz təxəyyülündən istifadə edərək doldururmuş.
17 yanvar 2010-cu ilə qədər uzananan tarixlərdə Vikipediyada bu fəaliyyətlə məşğul olan Çinli qadın elə təkcə 2019-cu ildən bu yana 206 məqalə dərc edib. Hətta bu məqalələr arasında 210 səhifəlik uzun yazılar da mövcud olub. İllərlə Çinlinin “əziyyət” çəkərək yazdığı bütün yazılar isə Vikipediyadan silinib və profili bloklanıb.
