Texnologiya sahəsində daim ilklərə imza atan Samsung bu dəfə də qatlana bilən planşet və noutbuk hazırlayır. Ümumiyyətlə Samsung son dövrlərdə qatlana bilən smartfonları ilə smartfon bazarında inqilabi yenilik etmişdi. Bu dəfə isə şirkət eyni uğuru planşet və noutbuk bazarında əldə etmək niyyətindədir. Qeyd edək ki, şirkətin rəhbəri Tae Moon Roh Independent qəzetinə verdiyi müsahibə zamanı qatlana bilən planşet və noutbukların inkişaf mərhələsində olduğunu bildirib. Beləliklə rəsmi olaraq Samsung elan edib ki, qatlana bilən ekranlı modellərinin sayı artacaq.
Maraqlısı budur ki, Tae Moon Rah, Samsung şirkətinin qatlana bilən planşet və nourbuk modelləri üçün böyük miqdarda sərmayə ayırdığını bildirib. Görünür, Samsung smartfon sahəsində əldə etdiyi gəlirləri məhz yeni modelləri ilə planşet və noutbuk bazarında da əldə edəcəyini düşünür. Ümumiyyətlə bu gün texnologiya sözün əsl mənasında keçmişə qayıdır. Belə ki, 2000-ci illərin əvvəlində trend olan qatlanan telefonlar daha təkmilləşmiş versiyada və yeni dizaynda yenidən gündəmə gəlib. Hətta biz bunu yeni təqdim edilən Galaxy Flip və Fold modellərinə olan tələbatdan da görə bilərik. Tələbat o qədər çox olub ki, Samsung qatlana bilən bir çox model hazırlayır.
Ötən günlərdə biz Samsung brendinin Apple üçün qatlana bilən ekran paneli hazırladığından xəbər vermişdik. Uzunmüddətdir ki, qatlana bilən ekrana malik cihazlar istehsal edəcəyi iddia olunan Apple brendi artıq işə qoyulub. Qatlana bilən cihazlara tələbat o qədər çoxdur ki, insanlar bu modellərin bir an əvvəl təqdim edilməsini istəyir. Onu da qeyd edək ki, Apple Samsung şirkətindən ekran panellərinin daha uzunömürlü olması və qatlanarkən yaranan qatlanma çatlarının aradan qaldırmasını tələb edib.
