Beləliklə, Samsung uzun müddətdir ki, gözlənilən peyk rabitəsi dəstəyini yeni One UI 7 yenilənməsi ilə təklif edə bilər. Belə ki, Samsung-un fond proqramlarında aşkar edilən bir kod, peyk bağlantısı dəstəyinin Android 15 əsaslı One UI 7 yeniləməsi ilə gələcəyinə dair iddialar irəli sürməyə imkan verir.
Ümumiyyətlə, Peyk rabitəsi funksiyası əksər Fövqəladə hallarda həlledici rola malik ola bilər. Apple bu funksiyanı artıq bir neçə müddətdir ki, təklif etsə də, peyk rabitəsi hələ də Android ekosisteminə daxil olmayıb. Daha əvvəl, Google şirkətinin peyk rabitəsi fuksiyasını Android 15-ə inteqrasiya etmək üçün məşhur T-Mobile ilə provayderi ilə işləyəcəyi məlum olumuşdu. Hətta yeni təqdim ediləcək Pixel 9 modelləri peyk rabitəsini idarə edə bilən xüsusi Exynos Modem 5400 ilə təchiz ediləcək. İndi isə analitiklər Samsung brendinin də One UI 7 yenilənməsi ilə peyk rabitəsi ilə bağlı addımlar atacağını iddia edir.
Samsung-un Emergency SOS (versiya 15.5.00.14), Samsung Messages (versiya 15.5.10.39) və Telefon proqramında (versiya 15.2.80) aşkar edilən kodlar tezliklə peyk rabitəsinin mümkün olacağına işarə edir. Qeyd edək ki, Emergency SOS proqramından istifadə etməklə istifadəçilər peyk vasitəsilə təcili mesaj göndərə biləcəklər. Tətbiqin təsvirində bildirilir ki, “Əlaqə xaricində və ya mobil şəbəkəyə qoşulmadığınız zaman təcili xidmətlərə zəng etsəniz, biz sizi peyk vasitəsilə birləşdirəcəyik ki, təcili mesaj göndərə biləsiniz”. Habelə, peyk rabitəsi ilə birlikdə istifadəçilər mobil şəbəkə əlçatan olmadığı hallarda mesaj göndərə, zəng edə və zəng qəbul edə biləcəklər. Maraqlıdır ki, Samsung Messages ilkin olaraq peyk vasitəsilə mesajların göndərilməsini və qəbulunu dəstəkləməyəcək. Bunun üçün istifadəçilər Google Messages-dən istifadə etməli olacaqlar.
