Samsung daha bir orta səviyyəli cihazını təqdim etməyə hazırlaşır. Belə ki, yeni təqdim ediləcək Samsung Galaxy Tab A9+ modelinin xüsusiyyətləri açıqlanıb. Ümumiyyətlə bu modelin orta seqmentə aid ediləcəyi artıq məlum idi. Məhz yeni ortaya çıxan məlumatlar da, smartfonun təxmini performansını ortaya çıxarır. Giriş səviyyəsindən biraz yuxarıda yerləşən bu planşet gəlin görək hansı parametrlərə sahib olacaq.
İlk öncə onu qeyd edək ki, yeni Samsung Galaxy Tab A9+ planşeti 11 düymlük 1200×1920 təsvir ölçülü IPS LCD ekrana sahibdir. Məhz bu ekran panelinin yenilənmə tezliyi isə 90Hz olacaq. Snapragon 695 çipsetindən güc alacaq planşet batareya tərəfində bizləri təəccübləndirir. Belə ki, yeni Galaxy Tab A9+ planşeti 15 Vatt şarj sürətinə sahib 7040 mAs batareya həcminə sahib olub. Kamera tərəfində isə Samsug yenə orta səviyyəli kamera sensorlarından istifadə edib. Belə ki, planşetin arxa kamerası 8MP, ön kamerası isə 5MP-dir.
Bundan əlavə yeni planşet 8-128GB yaddaş seçimi ilə təklif olunacaq. Həmçinin planşet 2 versiyada təklif olunacaq. Bunlardan biri Wi-Fi, digəri isə LTE versiyasıdır. Qeyd edək ki, planşetlərin qiyməti müvafiq olaraq 252 dollar və 276 dollardır. Yeni orta səviyyəli planşetlər ilk olaraq Hindistanda satışa çıxarılacaq. Ümumiyyətlə yeni planşetlər öz seqmentində olduqca iddialıdır. Yəni planşetlər Redmi brendinə məxsus planşetlər ilə rəqabət aparacaq.
