Samsung brendi hələ Galaxy S24 seriyasını təqdim etməyə hazırlaşsa da, artıq Galaxy S25 ilə bağlı yeni detallar ortaya çıxıb. Belə ki, cənubi koreyalı texnologiya nəhənginin flaqman Galaxy S25 seriyası sələflərindən tamamilə fərqlənəcək. Hətta Samsung smartfonun yeni dizaynının Mercedes-Benz şirkətindən ayrılan şəxsə tapşırıb. O cümlədən texnologiya nəhəngi smartfonun dizaynında bəzi yenilikçi dəyişikliklərin edilməsini də tələb edib.
Görünən odur ki, Samsung Galaxy S24 seriyasını təqdim etdikdən sonra dizayn tərəfində yeni modelində köklü dəyişikliklər edəcək. Hətta Galaxy S25 seriyası gələn ilin ilk aylarında təqdim ediləcək Galaxy S24-dən köklü şəkildə fərqlənəcək. Revegnus mənbəsi xəbər verir ki, “Mersedes-Benz-in keçmiş dizayneri və MX bölməsinin dizayn komandasının hazırkı rəhbəri Ilhwan Lee diqqətini Galaxy brendinin imicini yenidən kəşf etmək, ona yeni görünüş vermək vəzifəsinə yönəldib. Galaxy S25 seriyasından başlayaraq əhəmiyyətli dizayn dəyişiklikləri gözlənilir”.
Ümumiyyətlə Samsung brendi son dövrlərdə dizayna çox sadiq qalırdı. Məhz belə bir iddianın ortaya atılması Samsung həvəskarlarını həyəcanlandırıb. Görünən odur ki, istifadəçilər də artıq yeni dizayn və yeni funksiyalar görmək niyyətindədir. Onu da qeyd edək ki, Revegnus Snapdragon 8 və Exynos seriyaları barədə ən dəqiq məlumatları verən mənbələrdən biridir. Bu səbəbdən də 2025-də gündəm sadəcə GTA 6 olmaya bilər.
