Ötən günlərdə təqdim edilən Galaxy S24 seriyasının ən çox diqqət çəkən modeli məhz Galaxy S24 Ultra olmuşdu. Təqdim edilərkən flaqman xüsusiyyətlərinə görə seçilən Galaxy S24 Ultra həm də, əks etdirməyə qarşı örtüyü ilə seçilir. Qeyd edək ki, Galaxy S24 Ultra modeli sələfindən fərqli olaraq düz ekran dizaynı ilə qarşımıza çıxmışdı. Yeni ortaya çıxan məlumata görə isə Galaxy S24 Ultra həm də, şüa əks etdirmə tərəfində də rəqiblərindən öndədir. Belə ki, iPhone 15 Pro Max ilə müqayisə edilən flaqman model əhəmiyyətli dərəcədə fərqə sahib olub.
Galaxy S24 Ultra modelinin sahib olduğu əks etdirməyən ekran örtüyü indi diqqət mərkəzindədir. Bir neçə model ilə müqayisə edilən Galaxy S24 Ultra əhəmiyyətli fərq ilə rəqiblərini qabaqlamağı bacarıb. Məhz yuxarıdakı fotoşəkildə də göründüyü kimi, həmişə açıq ekran rejimində iPhone 15 Pro Max və Galaxy S24 Ultra müqayisə edilib. Galaxy S24 Ultra modelinin ekranın daha mat olması ilə yanaşı heç bir şüanı əks etdirmədiyi halda 15 Pro Max az da olsa şüanı əks etdirib.
Onu da qeyd edək ki, Galaxy S24 modeli isə 6,2 düymlük düz ekrana malikdir ki, bu da Galaxy S23-dən 0,1 düym böyükdür. Çərçivələri kiçiltməklə Samsung, eyni ölçülü korpusa bir qədər böyük ekran yerləşdirməyi bacarıb. Bununla belə, digər xüsusiyyətlər dəyişməz olaraq qalıb. Belə ki, FHD+ təsvir ölçüsü, LTPO AMOLED paneli və 1Hz-dən 120Hz-ə qədər dəyişən yeniləmə tezliyi bura daxildir.
