Galaxy S24 seriyası “GalaxyUnpacked” tədbiri ilə bizlərə nə gətirdi?
Yeni ilin başlanğıcı həmişə yeni Galaxy S seriyasından xəbər verir və 2024-cü ildə rəsmi olaraq Samsung Galaxy S24 seriyası qarşımızdadır. Bu cihazlara ən yeni kameralar, ən sürətli prosessorlar və ən geniş proqram xüsusiyyətlərinə malik Samsung-un qabaqcıl “AI” xüsusiyyətləri əlavə olunacaq. Bu məqaləmizdə sizlər üçün Galaxy S24, Galaxy S24 Plus və Galaxy S24 Ultra haqqında bilmək istədiyiniz hər şeyi danışacağıq.
İlk növbədə təəssüf ki, “Ultra” modelinin qiymətinin yüksəlməsi ən səssiz və diqqət çəkən nöqtələr oldu. Qiymətlərin nəbzinin ölçüldüyü “ABŞ” üçün 2021-ci ildən “Ultra” modelinin qiyməti 1199 dollar idi, lakin Galaxy S24 Ultra 100 dollar artaraq 1299 dollara yüksəldi. Bənzər təsirlərin digər regionlara da təsir göstərib-göstərməyəcəyini görmək üçün biraz gözləməli olacağıq. Lakin 2021-ci ildən və Galaxy S21 seriyasının satışa çıxarılmasından bəri qiymətlər dəyişməz qaldı.
Dizayn sələfləri ilə eyni stili qorusa da artıq “Ultra” modeli heç bir qıvrıma sahib olmayacaq. Cihazların hər biri düz ekran panelinə və kəskin kənarlara malikdir. Xüsusiyyətlərə bəzi dəyişikliklər edilmədən də yeni “Galaxy S” seriyası olmazdı. Həmişə olduğu kimi, çipsetlər üçün təkmilləşdirmələr gördük. Biz həmçinin, bəzi yeni kamera xüsusiyyətləri, “Plus” və “Ultra” modelləri üçün “RAM”-larda təkmilləşdirmə və bir neçə digər yeniliklər görürük.
Galaxy S24 seriyası kamera baxımından nə gətirir?
Galaxy S24 Ultra, bu seriyanın çıxarılmasında ən əhəmiyyətli dəyişikliyə malik kamera baxımından yenilik gətirən smartfondur. Yuxarıdakı cədvəllərdə ətraflı xüsusiyyətlərə baxa bilərsiniz, lakin 2024-cü ildə ən böyük təkmilləşdirmə yeni 50MP periskop telefoto lensidir. Əvvəlki Ultra modellərində 10MP periskop obyektivi var idi. Buna görə də bu, əhəmiyyətli bir təkmilləşdirmə kimi görünür.
Bununla belə, bu sensor yeniləməsi ilə bir detalda, bir qədər azalma yaşadıq. Əvvəlki Ultra modellərində bu obyektivlə əlaqəli 10x optik obyektiv var idi, lakin Galaxy S24 Ultra-nın obyektivləri yalnız 5x optik böyütmə qabiliyyətinə malikdir. Samsung bildirir ki, daha böyük sensor və Galaxy AI-nin istifadəsi ilə bu fərqi rahatlıqla qapada bilib və hətta keyfiyyət baxımından artım əldə edilib. Samsung-un bu iddianı yerinə yetirib-yetirmədiyini görmək üçün isə cihazı praktikada test etmək lazım gələcək.
Ən əsası qeyd edək ki, Galaxy S24 Ultra modelində 4K video qeydlər zamanı kameralar arasında keçid etmək artıq mümkündür. Galaxy S23 Ultra modelində 4K video qeydlər zamanı kameralar arasında keçidə məhdudiyyət qoyulmuşdu və bu artıq həll edilir.
Əsas kamera: ISOCELL HP2 200 MP, f/1.8, 1/1.3, PDAF OIS
Ultra-geniş bucaqlı kamera: 12 MP, f/2.2 1/2.55 120˚
Periskopik telefoto: IMX854 50MP, 1/2.52 “5 qat optik” OIS
telefoto: IMX754 10 MP, f/2.5 1/3.52 “3 qat optik” OIS
Galaxy S24 Ultra-dakı digər obyektivlərə gəlincə, onların hamısı Galaxy S23 Ultra-dan fərqlənmir. Buraya eyni 200MP sensor işlədilməsi də daxildir. Galaxy S24 və Galaxy S24 Plus da sələfi ilə uyğun kamera sistemlərinə malikdir. Bu o deməkdir ki, Galaxy S24 və Galaxy S24 Plus-dakı hər bir kamera, selfi kamerası da daxil olmaqla, Galaxy S23 və Galaxy S23 Plus-dakı analoqu ilə bənzərdir.
Cihazların əsas kamerası 1/1.56 düymlük ISOCELL GN5 50MP sensoru ilə gücləndirilib, əlavə olaraq 10MP 3 qat optik yaxınlaşdırma dəstəkli telefoto və 12MP 120˚ ultra-geniş bucaqlı kameralar mövcuddur. Təəssüf ki, sensorların özləri barədə sizlərlə bölüşə biləcəyimiz dəqiq bir informasiya yoxdur. Böyük bir ehtimalla Galaxy S22 seriyasından gəlməkdə olan eyni kamera sensorları bu cihazlarda işlədilib. Avtofokus dəstəyi və o cümlədən əsas, telefoto kameralarda olmaqla OIS mövcuddur. Son olaraq qeyd edək ki, hər 3 cihazda 12MP 80˚ geniş bucaqlı selfi kamerası quraşdırılıb.
Ekran baxımından Galaxy S24 seriyası nə vəd edir?
Galaxy S24, Galaxy S24 Plus və Galaxy S24 Ultra-nın ümumi ölçüləri, bəzi nöqtələrdə bir millimetrə qədər fərqlərlə əslində keçən ilki ilə eynidir. Lakin korpusların çox dəyişməməsi Samsung-un ekranları daha yaxşı etmək yol tapmadığı anlamına gəlmir.
İlk növbədə, Galaxy S24 seriyasının ekranları həmişəkindən daha parlaqdır. Hər bir telefonun reklam edilən pik parlaqlığı 2600 nit təşkil edir ki, bu da Galaxy S23 seriyasından xeyli yüksəkdir. Hətta Galaxy S23 Ultra yalnız 1750 nitdə zirvəyə çatırdı.
Galaxy S24 modeli isə 6,2 düymlük düz ekrana malikdir ki, bu da Galaxy S23-dən 0,1 düym böyükdür. Çərçivələri kiçiltməklə Samsung, eyni ölçülü korpusa bir qədər böyük ekran yerləşdirməyi bacarıb. Bununla belə, digər xüsusiyyətlər dəyişməz olaraq qalıb. Belə ki, FHD+ təsvir ölçüsü, LTPO AMOLED paneli və 1Hz-dən 120Hz-ə qədər dəyişən yeniləmə tezliyi bura daxildir.
Digər bir tərəfdən Galaxy S24 Plus bu il Galaxy S24 Ultra-nın təsvir ölçüsünə bənzər QHD+ olmaqla nəzərə çarpacaq təkmilləşdirmə əldə edib. Əvvəllər “Plus” modeli FHD+ ekran paneli əldə edirdi, ona görə də bu gözəl üstünlükdür. Samsung bu modelində də ekran ölçüsünü 0,1 düym artıraraq çərçivələri qısaldıb. Panel hələ də düzdür və müvafiq olaraq LTPO AMOLED 1-120Hz ekran paneli ilə gücləndirilib.
Başlıca olaraq, Galaxy S24 Ultra bu bölmədə böyük dəyişiklik əldə edib. O da düz ekrandır. Xatırlayırsınızsa, Galaxy S22 Ultra-nın şüşə kənarlarında çox dik qıvrımları var idi. Galaxy S23 Ultra isə bir qədər az qıvrımlar ilə çıxarıldı. Galaxy S24 Ultra modelində isə əyrilər tamamilə tərk edildi. Düz panelə keçiddən başqa, Galaxy S24 Ultra-nın qalan xüsusiyyətləri eyni olaraq qald. Təbii ki, buna QHD+ həlli, 1-120Hz yeniləmə tezliyi və 6,8 düymlük ekran daxildir.
Gorilla Glass Victus 2 Galaxy S24 və Galaxy S24 Plus ekranlarını standart olaraq qoruyur. Lakin Galaxy S24 Ultra “Corning”-dən Gorilla Glass Armor adlı yeni şüşə əldə edib. Bu barədə “Victus 2”-dən daha güclü olduğu deyilir.
Smartfonlar performans baxımından Exynos və Snapdragon seçimlərinə malikdirlər
2023-cü ildə Samsung çoxdan bəri etmədiyi bir şeyi etdi. Şirkət, bütün Galaxy S23 seriyasını eyni çipset olan, Snapdragon 8 Gen 2 for Galaxy ilə qlobal miqyasda satışa çıxardı. 2024-cü ildə Samsung şirkəti Galaxy S24 seriyası ilə həmişəki rejiminə qayıdır. Smartfonlar həm Exynos 2400 çipseti ilə, həm Snapdragon 8 Gen 3 ilə təchiz ediləcək.
Dünyanın harasında yaşamağınızdan asılı olmayaraq, Galaxy S24 Ultra-da Snapdragon 8 Gen 3 “for Galaxy” versiyası olacaq. Əgər siz Galaxy S24 və ya Galaxy S24 Plus seçsəniz, hansı çipseti alacağınızı yaşadığınız yer müəyyənləşdirəcək. Bizim regionumuz üçün bu seçim 2 sadə model üçün Exynos 2400 olaraq təyin olunub.
Exynos 2400 və Snapdragon 8 Gen 3 arasında fərq nədir?
| Performans | 1x Cortex-X4 @ 3.3GHz | 1x Cortex-X4 @ 3.2GHz |
| Əsas | 3x Cortex-A720 3.2GHz | 2x Cortex-A720 @ 2.9GHz |
| səmərəlilik | 2x Cortex-A720 @ 3.0GHz | 3x Cortex-A720 @ 2.6GHz |
| enerji sərfiyyatı | 2x Cortex-A520 @ 2.3GHz | 4x Cortex-A520 @ 2.0GHz |
| istehsal prosesi | TSMC N4P | Samsung Semiconductor 4nm LPP+ |
Samsung şirkəti bildirir ki, çipsetlər arasında performans fərqi minimum səviyyəyə endirilmişdir. Səthi hesablamalar müxtəlif hallarda 3-5% minimum fərq olacağını qarşımıza qoyur. Galaxy S24 seriyası temperaturun idarə edilməsi nəzərə alınmaqla hazırlanmışdır. Hər üç telefonda bu məqsəd üçün böyüdülmüş buxar kamerası var. Samsung iddia edir ki, “Ultra” üçün soyutma sistemi 92% böyüyüb ki, bu da cəsarətli bir iddiadır.
Nəhayət, Plus və Ultra modelləri artan əsas RAM sayəsində yüksək tapşırıq yüklərinin öhdəsindən daha yaxşı gələcək. Artıq həm “Plus”, həm də “Ultra” modellərində minimum 12 GB RAM var. Bu, keçən il təklif olunan baza 8GB-a nisbətən müsbət artımdır. Digər tərəfdən sadə Galaxy S24 modeli 8GB standartına sadiq qalır.
Yeni Galaxy S24 seriyası material keyfiyyətini artırır
Samsung rahat şəkildə Galaxy S seriyası üçün etibarlı dizayn dili üzərində sabitdir. Buna görə də 2024 seriyasındakı üç telefon 2023 və 2022 seriyası ilə çox oxşardır. Həmişə olduğu kimi, telefonların keyfiyyəti əla olmalıdır. Samsung, həmçinin, bütün modellər üçün suya və toza qarşı tam IP68 sertifikatı təqdim edərək, davamlılıq baxımından hər şeyi edir. Şüşə baxımından Galaxy S24 və S24 Plus-ın ön və arxa tərəfində Gorilla Glass Victus 2, Ultra-nın hər iki tərəfində Gorilla Glass Armor var.
Böyük batareya və 7 il yeniləmə dəstəyi
Birincisi, Galaxy S24 indi 2021-ci ildən bəri standart modeldə 4000 mAs tutumlu ən böyük batareyaya malikdir. Bu, telefonun, xüsusən daha kiçik 3700 mAs batareyası olan sələf modellərlə müqayisədə vacibdir. Galaxy S24 Plus modeli isə 4900 mAs ilə Plus xəttindəki ən böyük batareya rekordunu qırdı. Bu, Galaxy S23 Plus-dan 200 mAs, Galaxy S24 Ultra-dan isə sadəcə 100 mAs fərqlidir. Əlbəttə ki, yüksək təsvir ölçüsünə malik QHD+ ekranda istifadə etməyi seçsəniz batareyanın ömrünün artdığını görəcəksiniz.
Galaxy S24 Ultra-nın batareya tutumunda heç bir dəyişiklik olmayıb. O, özündən əvvəlki bütün Ultra modellər ilə eyni 5000 mAs batareyaya malikdir. 2024-cü ildə simli şarj sürətlərində heç bir dəyişiklik görmürük. Galaxy S24 modeli 25 Vatt ilə doldurulur. Galaxy S24 Plus və Galaxy S24 Ultra isə kabel vasitəsilə 45 Vatt ilə doldurulur. Bu sürətləri görmək üçün sizə uyğun PPS-PD şarj cihazı lazımdır və qutuya daxil deyil.
Nəhayət, simsiz şarj hər üç telefon üçün 15 Vatt-a çatır. Tərs şarj isə 5 Vatt-dır. Əvvəlki iki Ultra modeli kimi, Galaxy S24 Ultra da S Pen və onu saxlamaq üçün yuva ilə gəlir. S Pen-in dizaynı dəyişməyib, lakin yuvaya daxil edildikdə telefondan çıxan hissə 2023-cü ilə nisbətən bir qədər düzdür. Ümumiyyətlə, əvvəlki nəsillərlə eyni S Pen təcrübəsi gözləməlisiniz.
Hər 3 Galaxy S24 smartfonu 2031-ci ildə Android 21-ə qədər Android yeniləmələrini görəcək. Təəssüf ki, Samsung bu siyasətin köhnə Galaxy cihazlarına yayılmayacağını təsdiqlədi. Bu o deməkdir ki, 2023-cü ildə və daha əvvəl buraxılmış Galaxy flaqmanlarının dörd Android yeniləməsi və beş illik təhlükəsizlik dəstəyi alacaq. Galaxy S24 telefonları Android 14 əsasında One UI 6.1-in debütünü təqdim edir.
Samsung-un Galaxy S24 seriyasında əsas hədəfi: Galaxy AI
Ümumiyyətlə, Galaxy AI xüsusiyyətlərinin iki kateqoriyası var. Bunlara cihazda və ya buludda olan “AI” imkanları aiddir. Cihazda olan funksiyalar yalnız prosessor gücündən istifadə etməklə işləyir, bulud funksiyaları isə Samsung servislərinin işi görməsini tələb edir və bununla da internet bağlantısı tələb olunur.
Galaxy S24 seriyasında “cihaz” əsaslı “AI”
- Canlı Tərcümə: Bu, müxtəlif dillərdə danışsanız belə, sizə və zəng etdiyiniz şəxsə bir-birinizi başa düşməyə imkan verir. O, sizin və onların dediklərini real vaxt rejimində həm səsi, həm də mətni tərcümə etməklə işləyir. Bunun ən yaxşı tərəfi odur ki, danışdığınız şəxs istənilən cihazdan istifadə edə bilər, istər başqa şirkətin Android telefonu olsun, istər iPhone, hətta stasionar telefon. Canlı Tərcümə indiyə qədər 13 dildə və 17 dialektdə işləyir.
- Tərcüməçi: Canlı Tərcümə ilə çox oxşardır, lakin üz-üzə söhbətlər zamanı insanların dediklərini avtomatik olaraq transkripsiya etməklə və onları müvafiq dilə(lər) tərcümə etməklə işləyir.
- Chat Assist: Samsung Klaviaturasından istifadə edərək demək istədiyinizi daha peşəkar, daha əyləncəli vəs. edə bilərsiniz. Demək istədiyinizi yazın və “Göndər” düyməsini vurmazdan əvvəl cihaz sizə müxtəlif janrlarda mətnlər tərtib etsin.
- Transkript Yardımı: İki və ya daha çox insan arasında söhbəti yazmaq üçün yerli Səs Yazan tətbiqindən istifadə etsəniz, proqram transkript yaradan zaman avtomatik olaraq müxtəlif səsləri təhlil edəcək. Bu, bir neçə həftə əvvəl Google Gemini-nin işə salınması ilə debüt edən Pixel xüsusiyyətinə çox bənzəyir. Beləliklə, süni intellekt sizə transkriptlər formalaşdıracaq.
- Qeyd Yardımı: Əl ilə daxil edilmiş qeydlərinizə və yazılarınızın transkriptlərinə avtomatik olaraq başlıqlar, işarə nöqtələri və.s. əlavə edir. Əlavə edən bu funksiya ilə qeydlərinizi təkmilləşdirir.
- Baxış Yardımı: Bu funksiya veb səhifələri sizin üçün oxuyur və sizi hər detalı oxumaq problemindən xilas edir.
Galaxy S24 seriyasında “bulud” əsaslı “AI”
- Circle to Search: Google tərəfindən yaradılmış bu funksiya sizə telefonunuzda baxdığınız şeylər haqqında məlumat tapmaq üçün Google Axtarışdan istifadə etməyə imkan verir. Məsələn, tutaq ki, internetdə əlində qəhvə fincanı tutan birinin şəklinə rast gəldiniz. Siz ev düyməsini və ya naviqasiya panelini uzun müddət basaraq, kubokun ətrafında dairə çəkərək Axtarışı işə sala bilərsiniz. Məsələn, Google o fincanı sizin üçün tapacaq ki, siz onu özünüz ala biləsiniz. Bunun işləməsi üçün ekstrimal bir şey etməyə belə ehtiyac yoxdur. Assistent kimi əlinizin altında işləyəcək. “Google Lens” əsaslı olduğundan bənzəri “Pixel” cihazlarında da mövcuddur.
Nəticə etibarilə Galaxy S24 seriyasını almağa dəyərmi?
Galaxy S24 Ultra modeli hazırda “Android” ekosisteminin ən dolu cihazlarından biri kimi yaxşı seçim kimi görünür. Rəqabətcil və keyfiyyət baxımından hansısa bir sual yaratmayacaq cihazdır. Lakin Galaxy S24 və Galaxy S24+ modelləri üçün nisbətən daha üstün imkanlar təklif olunması ən azından, daha güclü və təkmilləşdirilmiş kamera imkanları gətirilməsi bəlkə də pis olmazdı. Seçim etməklə bağlı ən düzgün seçim isə bizim yox, sizin əlinizdədir. ABŞ-da qiymətlər 800 dollar, 1000 dollar, 1300 dollardan modelə uyğun başlayan qiymətlərlə təklif olunsa da, Azərbaycan üçün qiymətlər hələlik açıqlanmayıb.
