Samsung şirkəti ötən nəslini ötürdüyü FE modelini rəsmi olaraq təqdim etdi. Belə ki, orta-üst seqmentdə Samsung şirkətinin buraxdığı boşluğu dolduracaq Samsung Galaxy S23 FE rəqabətcil model kimi qarşımıza çıxacaq. Xüsusilə çipset və kamera ilə bağlı bir neçə əhəmiyyətli təkmilləşdirmə var ki, bunlar da smartfonu Xiaomi 13T seriyası və ya HONOR 90 kimi modellərlə ciddi rəqabətə keçirəcək. Lakin bu cihaz hələ də faktiki S23 modelləri səviyyəsində görülməməliidir.
İlk növbədə Samsung bir məsələdə ümumiyyətlə susur və sadəcə “Advanced 4nm Processing” deyir. Bunun isə səbəbi əvvəlcədən məlumdur ki, Snapdragon 8 Gen 1 və ya Exynos 2200 çipsetinin sürət aşırdılmış variantını bu cihazlarla birgə regiondan aslı olaraq əldə edəcəksiniz. Bu, yaşadığınız yerdən asılı olacaq. Azərbaycanda “s711blggcau” model nömrəsinə uyğun gələn, Exynos 2200 çipsetli modelin satışa gəlməsi gözləniləndir. Lakin yaxın günlərdə bu barədə fərqli nəticə ilə qarşılaşma ehtimalımız da yox deyil.
2023-cü il telefonları və onların “for agalaxy” çipləri ilə müqayisədə bu çipsetlər zəif görünsə belə, sələfi olan Galaxy S21 FE-nin Snapdragon 888/Exynos 2100 üzərinə ciddi təkmilləşdirmədir. Bu il əsas konfiqurasiya köhnəlmiş 6GB seçimini aradan qaldıraraq 8GB RAM təklif edilməsidir. Yaddaş tərəfində isə bizlərə ənənəvi olaraq 128GB və ya 256GB seçimləri təklif edilir.
Galaxy S23 FE ilə bağlı müzakirə ediləcək növbəti vacib detal təkmilləşdirilmiş əsas kameradır. Smartfon artıq 12MP yerinə ən yeni nəsil 50MP sensoru var. Lakin bu S23 FE modelindəki bu sensorun Galaxy S23 seriyasındakı ilə eyni olub olmadığı bəlli deyil. Ultra-geniş 10MP (123°) və 8MP telefoto kamerası isə kamera konfiqurasiyasını tamamlayıb. Həmçinin, selfi kamerası FE modellərində iki nəsil 32MP sensorlardan sonra qeyri-müəyyən şəkildə 10MP təsvir ölçüsünə düşüb ki, burada keyfiyyət baxımından fərq testlərdən sonra ortaya çıxacaq.
Ekran, gözlənildiyi kimi, FHD+ təsvir ölçülü və 60-120Hz adaptiv yeniləmə tezliyi ilə düz 6,4 düymlük Dynamic AMOLED 2X paneldən yararlanır. Telefonun ölçüləri 158 x 76,5 x 8,2 mm və çəkisi 209 qramdır. Bu, onu S21 FE modelindən daha böyük və 177 qram ilə bir qədər ağır edir. Telefonun korpusu və daxili hissələri təkrar emal edilmiş materiallardan, alüminium və şüşədən, eləcə də təkrar emal plastikdən hazırlanır.
Smartfonun ölkəmizdəki qiyməti hələlik naməlum olsa da qlobal bazar üçün ~599$-dan başlayacağı deyilir.
