Samsung Health-in tətbiq kodları Galaxy Ring cihazının bəzi sağlamlıq xüsusiyyətləri ilə bağlı məlumatları ortaya çıxarıb. Beləliklə, Samsung Galaxy Ring, ənənəvi Galaxy Saatları ilə eyni xüsusiyyətləri təklif edir. Qeyd edək ki, Cənubi Koreyanın texnologiya nəhəngi Samsung, iyulun 10-da keçiriləcək Galaxy Unpacked tədbirində yeni məhsullarını açıqlayacaq.
Bununla belə, tədbirin parlayan ulduzu çox güman ki, Samsungun yeni ağıllı üzüyü “Galaxy Ring” olacaq. Ən son xəbərlər Galaxy Ring cihazının təklif edəcəyi bəzi sağlamlıq xüsusiyyətləri ilə bağlı məlumatları aşkara çıxarıb. Beləliklə, Android Authority komandası Samsung Health tətbiqinin kodlarını araşdıraraq ağıllı üzüyün təqdim edəcəyi sağlamlıq xüsusiyyətlərini ortaya çıxarmağı bacarıb. Paylaşılan ekran görüntüləri Samsung-un ağıllı üzükləri ilə ağıllı saatları arasında böyük fərqlərin olmayacağını göstərir. Paylaşılan ekran görüntüləri Samsung Galaxy Ring-in stress və ürək döyüntüsü testlərini necə həyata keçirəcəyini göstərir. Başqa bir paylaşılan ekran görüntüsü Galaxy Ring-in menstruasiyanı izləmək və bədən istiliyini ölçmək üçün də istifadə edilə biləcəyini göstərir.
Android Authority bildirir ki, üzük həm də xorultu izləməyə imkan verəcək. Bununla belə, bu funksiya smartfonunuz yanınızda olduqda istifadə edilə bilər. Samsung Galaxy Ring haqqında bütün məlumatlar hələlik bununla kifayətlənir. Qeyd edək ki, Samsung sadəcə bir neçə gün sonra daha dəqiq desək, 10 iyul tarixində keçirəcəyi tədbirdə yeni ağıllı üzüyün digər xüsusiyyətlərini də açıqlayacaq. Xatırladaq ki, daha əvvəl Galaxy Ring üzüklərinin qiyməti məlum olmuşdu.
