Samsung-un yeni orta seqment modeli Galaxy A56, təqdimatdan əvvəl sızan şəkillərlə gündəmdədir. Evan Blassın paylaşdığı 360 dərəcə şəkillər cihazın dizaynı ilə bağlı mühüm yenilikləri ortaya çıxarıb. Düz xətləri və rəng seçimləri ilə müasir quruluşu ilə diqqət çəkən telefon Samsung-un “Key Island” adlı düymə çıxıntısını qoruyur.
Arxa tərəfdə üçlü kamera modulu tək sadəcə tək bir yuvada toplanıb. Həmçinin, LED flaş da onun yanında yerləşir. Cihazın şüşə arxa paneli və alüminium çərçivəsi dizayna yüksək səviyyəli hisslər əlavə edir. Ön tərəfdə nazik çərçivələrə və deşik kamera dizaynına malik 6,7 düymlük Dynamic AMOLED displey var. Full HD+ həlli və 120Hz yeniləmə sürəti təklif edən bu ekran inteqrasiya olunmuş barmaq izi oxuyucusu ilə təchiz edilmişdir. Qeyd edək ki, Samsung yeni Galaxy A56 modelində özünün Exynos 1580 çipsetindən istifadə edir.
Smartfon 12GB RAM və 256GB yaddaş həcminə qədər müxtəlif versiyalarda təklif olunur. Batareya tərəfində isə bizi 45 Vt sürətli şarj dəstəkli 5000 mAs batareya həcmi qarşılayır. Kamera tərəfində OIS dəstəkləyən əsas sensor, 12MP ultra geniş bucaqlı obyektiv və 5MP makro kamera var. Qeyd edək ki, ön tərəfdə 12MP selfie kamerası ilə təchiz edilən smartfon qutudan Android 15 əsaslı One UI 7 ilə çıxacaq. Galaxy A56-nın rəsmi təqdimatının mart ayında baş tutacağı gözlənilir. Samsung-un yeni nəsil orta seqment modeli, güclü texniki təchizatı və yenilənmiş dizaynı ilə istifadəçilərin diqqətini çəkir.
