Cənubi Koreyanın texnologiya nəhəngi olan Samsung bu yaxınlarda Android 13 yeniləməsini təqdim etmişdi. Belə ki, bu yeniləmə ilk olaraq Galaxy S22 smartfonları, 1 həftə sonra isə Galaxy S21 smartfonları üçün əlçatan oldu. Android 13 əsaslı OneUI 5 interfeys də uyğun olaraq smartfonlara göndərilməyə başlanmışdı. Bu yeniləmə vasitəsilə şirkət smartfonlara bir neçə yeni funksiya əlavə etmişdi. İndi isə şirkət yeni funksiyalar əlavə etməyə davam edir. Hamının ilk olaraq Apple şirkətinin iPhone modellərində tanış olduğu “arxaya toxunaraq əmr vermək” funksiyası indi Samsung Galaxy modelləri üçün rəsmi olaraq əl çatan olacaq. Qeyd edək ki, Apple bu funksiyanl iOS 14 ilə birlikdə təqdim etmişdi.
Samsung yeni “Arxaya Toxunaraq əmr et” funskiyasını iki cür təqdim edir. İstəsəniz iki dəfə toxunaraq bir funksiyanı, üç dəfə toxunaraq fərqli funksiyanı aktivləşdirə bilərsiniz. Belə ki, şirkət bunu Samsung Store üzərindən yeni yayımladığı RegiStar adlanan yeni tətbiqi ilə həyata keçirir. Yeni tətbiq, həmçinin bəzi parametrləri və ana səhifəni fərdiləşdirməyə imkan verir. Məsələn, istifadəçilər güc düyməsi vasitəsilə bir neçə funksiyanı yerinə yetirə biləcəklər. Demək olar istənilən çeşiddə xüsusiyyəti yenilik vasitəsilə güc düyməsinə qısa yol kimi əlavə etmək mümkün olacaq. Üstəlik yeni kilid modulu vasitəsilə Galaxy Z Fold 4 smartfonunu istifadəçiləri smartfonun ekranına biraz bərk basmaqla da əlavə qısa yollar təyin edə biləcəklər.
Əlavə olaraq qeyd edək ki, yeni funksiyalar smartfon yuxu rejimində olduqda, ekran kilidli olduqda, habelə batareya 15% və ya daha az oluqda işləməyəcək. Qeyd edtdiyimiz kimi Apple bu funksiyanı daha öncədən öz iPhone modellərinə gətimişdi. Bundan sonra Google şirkəti də asistentini aktivləşdirmək və bir neçə funksiyanı yerinə yetirə bilmək üçün öz smartfonlarına bu xüsusiyyəti əlavə etmişdi. Apple və Google şirkətlərindən sonra nəhayət Samsung şirkəti də onlarla ayaqlaşmaq üçün bu funksiyanı öz smartfonlarına əlavə edib. Yeniləmə hələ ki, Galaxy S22 modeli üçün əlçatan olsa da yaxın günlərdə digər smartfonlar üçün də əlçatan olacaq. Lakin tam olaraq yeniliyi alacaq cihazların siyahısı mövcud deyil. Əlavə olaraq qeyd edək ki, Azərbaycan regionundakı Samsung mağazasında tətbiq yeni olduğu üçün görünməyə bilər.
