Ötən günlərdə ice Universe insayderi tərəfindən sızdırılmış məlumata əsasən, nəhəng smartfon şirkəti olan Samsung-un fevralın ilk həftəsində yeni Galaxy S23 seriyasının smartfonlarını təqdim etməsi gözlənilir. Qualcomm şirkəti ötən gün yeni Galaxy seriyasında Exynos çipsetlərindən imtina ediləcəyini açıqlayıb. Belə ki, Qualcomm şirkətinin Baş Maliyyə Direktoru olan Akash Palkhiwala bu barədə açıqlama verib. Onun açıqlamasına görə Samsung Galaxy S22 seriyasında 75%-lik Snapdragon 8 Gen 1 çipsetlərinin payı, Galaxy S23 seriyasında qlobal paya çevrilir. Bununla da, Samsung Exynos çipsetləri ilə təchiz olunmuş smartfonları bazarda görməyəcəyik.
Bundan əlavə olaraq isə Qualcomm şirkətinin Baş İcraçı Direktoru olan Cristiano Amon Samsung ilə yeni çoxillik müqavilə bağlandığını bildirir. Bu müaviləyə görə isə qlobal miqyasda gələcək olan üst seqment Samsung Galaxy modelləri üçün Snapdragon platformasının istifadəsi genişləndirilir. Onuda qeyd edək ki, Samsung Exynos ilə təchiz olunmuş smartfonlar barəsində istifadəçilər barəsində fikir ayrılıqları var idi. Belə ki, bir qisim istifadəçi Samsung Exynos çipsetinin performansının Snapdragon çipsetlərindən daha az olduğunu həmçinin smartfonların daha tez isindiyini qeyd edirdi. Bir qisim isə bunun əksinə bu çipsetlər arasında heç bir fərq olmadığını vurğulayırdı. Azərbaycanın smartfon bazarında isə biz əsasən Samsung Exynos çipsetləri ilə təchiz olunmuş modelləri görürdük.
Buna baxmayaraq Exynos 2300 çipseti ləğv edilməyib!
Qualcomm tərəfindən üstdəki məlumatlar dərc edildikdən sonra Cənubi Koreya mənşəli mənbələr Exynos 2300 çipsetinin hazırlıq mərhələsində olduğunu təsdiq ediblər. Lakin qeyd edilənə görə bu çipset flaqmanlar üçün nəzərdə tutulmayıb. Samsung şirkəti yeni strategiyasına görə Exynos 2300 çipsetlərini orta-üst seqmentə yönəltmək fikrindədir. Nəticədə yeni Exynos 2300 çipseti Exynos 2200 çipsetindəki kimi 4nm yox, 5nm texnoloji prosesinə uyğun şəkildə hazırlanır. İddialar doğrudursa, Exynos 2300+ adlanan alternativ variantı da 4nm texnoloji prosesi ilə təqdim edilə bilər. Bu çipset isə Exynos 2200 ilə oxşar olmalıdır. Samsung şirkəti bu çipsetlərini flaqman modellərdə işlədə bilməsə də Galaxy A54, Galaxy A74, Galaxy S23 FE kimi modellərdə qarşımıza çıxara bilər. Bu halda da orta-üst seqmentdəki Samsung Galaxy A seriyasının göstərdiyi performans olduqca yüksək olmalıdır. Nəticədə nə qədər bu çipset Snapdragon 8 Gen 2 ilə ayaqlaşmayacaq olsa da Snapdragon 888 çipsetinin önündə ola bilərlər.
