Redmi Note 13 seriyası barədə uzunmüddətdir ki, iddialar ortaya atılsa da, nəhayət Xiaomi rəsmi olaraq Redmi Note 13 Pro+ görüntüləri ilə bağlı paylaşım edib. Beləlikə yeni Redmi Note 13 Pro+ modeli özünəməxsus dizaynı və qıvrımlı ekranı ilə ortaya çıxıb. Eyni zamanda Redmi Note 13 Pro modeli də kəskin kənarlı nazik kənar çərçivəli cihaz kimi qarşımızdadır. modeli Maraqlısı budur ki, yeni modelin arxa tərəfi tamamilə dəridir. Hətta Redmi müxtəlif rəngli dərilərdən istifadə edib. Redmi Note 13 Pro+ modelinin hansı xüsusiyyətlər sahib olacağı da ötən günlərdə bizlərə aydın olmuşdu. İndi isə yeni modelin bəzi mühüm xüsusiyyətləri də artıq məlum olub. Bunlardan ən önəmlisi isə ekran xüsusiyyətlidir.
Beləliklə Redmi Note 13 Pro+ modelinin ortaya çıxan görüntüləri onu göstərir ki, yeni model özünəməxsus dizaynı ilə rəqiblərindən fərqlənəcək. Belə ki, yeni model 1.5K təsvir ölçülü Tianma T7+ OLED paneli ilə təchiz ediləcək. Habelə ekran panelinin yenilənmə tezliyi də 120Hz-dir. Digər maraqlı detal ilə yeni Note 13 Pro modellərinin MediaTek Dimensity 7200-Ultra çipsetinə sahib olmasıdır. Məlumatlara görə, bu çipset 2.8 GHz tezliyində işləyən 2 ədəd Cortex-A715 nüvəsinə və 6 ədəd 2.0 GHz tezliyində Cortex-A510 nüvəsinə malik konfiqurasiya təklif ediəcək. Oyun və qrafika əsaslanan yükləmələr üçün prosessor Mali-G610 GPU və APU 650 AI çipi ilə gücləndiriləcək.
Bundan əlavə LPDDR5 operativ yaddaş da bu modeldə bizlərə təklif ediləcək. Batareya tərəfində isə 90 Vatt sürətli şarj dəstəkli 5000 mAs batareya həcmi yeni modelə əlavə ediləcək. Ekranı Gorilla Glass 5 ilə qorunan smartfonun kamera xüsusiyyətləri barədə çox məlumat yoxdur. Lakin smartfonun Samsung tərəfindən hazırlanmış 200 MP 1/1.4 düymlük ISOCELL HP3 Discovery Edition sensoru ilə təqdim ediləcəyi gözlənilir. Bu sensor Xiaomi əməkdaşlığında bu model üçün xüsusiləşdirmələrə sahib olması ilə cüzi üstünlüklərə malikdir. Digər kamera sensorları isə standart 8 MP ultra-geniş, 2 MP makro obyektivlərə malikdir. Qiymət tərəfində isə Çində 8-256GB versiya təxminən 250$, 12-256Gb versiya 275$, 12-512Gb versiya 316$, 16-1TB versiya 360$ qiymət etiketi ilə təklif ediləcək.
