Realme şirkətinin orta səviyyəli seriyalı smartfonları performansı, kamera imkanları və dizaynı ilə istifadəçilərin diqqətini çəki. Markanın tezliklə Realme 11 seriyasını təqdim edəcəyi gözlənilir. Realme şirkətinin bu yaxınlarda açıqladığı xəbərə görə Realme 11 seriyası rəsmi olaraq may ayında gələcək. Bu sıraya bəzi digər modellərin, o cümlədən Realme 11 5G də daxil olacağı gözlənilir. Lakin Pro olmayan modellərin təfərrüatları hələlik məlum deyil.
Paylaşılan şəkillərə görə Realme 11 Pro+ ağ və qızılı, həmçinin sadə qara rəng variantları ilə gələcək. Telefonun arxasındakı kamera modulu Huawei Mate 40 Pro ilə oxşarlıq göstərir. Modellərdə düz kənarlar yerinə əyri kənarlardan istifadə olunub. Realme 11 Pro+ modeli Dimensity 7000 seriyalı çipsetlə təchiz olunacaq. Realme 11 Pro+ modeli 1080p təsvir ölçülü 6,7 düymlük AMOLED ekranla gələcək.
Telefonun 200MP əsas kamera sensoru olacaq. Əgər bu kamera həqiqətən də 1/1,4 düymdürsə onda biz yəqin ki, Samsung ISOCELL HP3 sensorunu görəcəyik. Standart olaraq 8MP ultra-geniş bucaqlı və 2MP makro kamera ilə təhciz olunacaq. Telefonun ay fotoları üçün xüsusi rejim təklif etdiyi bildirilir. Realme 11 Pro+ iki doldurma variantı ilə gələcək. 5000mAh batareya üçün 80 vatt və ya 100 vatt sürətli yığımı dəstəkləyəycək. Böyük bir ehtimalla Çində eksklüziv variantında dəyişiklik olacaq. Yeni telefon 16 GB-a qədər operativ yaddaş və 1 TB yaddaş ilə sertifikatlaşdırılıb. Cihazın cəmi 183 qram ağırlığında olduğu deyilir. Bu cihazlar Realme UI 4.0 əsaslı Android 13-də işləyəcək.
