Qualcomm, Samsung və Google ilə əməkdaşlıq çərçivəssində qarışıq reallıq eynəkləri üzərində işlədiyini açıqlayıb. Qeyd edək ki, Qualcomm bu cihazın smartfona qoşularaq işləyəcəyini açıqlayıb.
Qualcomm, Samsung və Google qarışıq reallıq (AR və VR) texnologiyasına əsaslanan yeni ağıllı eynəklər üzərində işlədiklərini açıqlayıb. Qualcomm-un baş direktoru Cristiano Amon müsahibəsində bu eynəklərin smartfonla əlaqəli işləyəcəyini bildirib. Bu yanaşma Apple-ın Vision Pro modelinin işləmə prinsipindən bir qədər fərqlənir. Ötən il Google, Samsung və Qualcomm qarışıq reallıq texnologiyasını inkişaf etdirmək üçün ortaqlıq qurmuşdular. Ancaq indiyə qədər bu tərəfdaşlıq üçün konkret bəyanatlar görməmişdik. İndi isə Qualcomm direktoru Amom bu əməkdaşlıq çərçivəsində atılacaq ilkin addım barədə bizlərə məlumat verib.
Amon bu eynəklərin istifadəçilər üçün yeni təcrübə yaradacağını vurğulayıb. O bildirib ki, “Bu ortaqlıqdan gözlədiyim odur ki, hər kəs telefonları ilə istifadə edə biləcəyi bir cüt eynək alacaq.” Yeni məhsullar və yeni təcrübələri vurğulayan CEO, Meta-nın Ray-Ban ağıllı eynəklərinə də toxunub və bu eynəklərin smartfona simsiz qoşulduğunu və içərisində kamera olduğunu xatırladıb. Metanın süni intellektli modeli Llama tərəfindən dəstəklənən səs köməkçisi də bu eynəklərin diqqət çəkən xüsusiyyətlərindən biridir. Qualcomm, smartfonlardan kənara çıxaraq biznes sahələrini şaxələndirmək strategiyası çərçivəsində qarışıq reallıq texnologiyasını mühüm hədəf kimi təyin edib. Belə ki, şirkətin portfelində ağıllı eynəklər üçün nəzərdə tutulmuş Snapdragon AR1 Gen 1, Snapdragon AR2 Gen 1 kimi çipləri mövcuddur.
