İlk qatlanan ekrana sahib olan iPhone modeli barədə yeni iddialar ortaya çıxıb. Belə ki, analitiklərin fikrinə görə ilk qatlanan iPhone modeli, Huawei Mate Xs 2 dizaynında ola bilər. Lakin bu smartfonların hələ 2027-ci ildə təqdim edilməsi gözlənilir. Apple hazırda qatlana bilən ekrana sahib iPhone üzərində çalışır.
TrendForce analitiklərinin fikrincə, ötən günlərdə yeni əməliyyat sistemini təqdim edən Apple, ilk qatlanan iPhone modelini 2027-ci ildə təqdim etməyi nəzərdə tutub. Ötən aylarda texniki çətinliklər səbəbiylə 2027-ci ildən əvvəl bazara çıxarılmayacağı bildirilən qatlanan ekrana malik iPhone modeli, 2023-cü ildə bəzi mənfi xəbərlərlə gündəmə gəlmişdi. İddialara görə, Apple şirkətinin sınaqlar üçün aldığı qatlanan ekranlardan məmnun qalmadığı və konsept ekranların şirkətin gözləntilərini qarşılamadığı bildirilib.
Bundan əlavə, daha əvvəl panellə bağlı gözləntiləri tam qarşılanmadan heç bir kommersiya addımı atmayacağı düşünülən Apple şirkətinin ilk qatlana bilən iPhone modelini Galaxy Z Flip kimi şaquli formada hazırlayacağı iddia edilmişdi. İndi isə ilk qatlanan ekrana sahib iPhone modelinin Huawei Mate Xs 2 dizaynında olacağı, yəni ekranın xaricə qatlanacağı düşünülür. 7,9 düymlük ekrana sahib olduğu iddia edilən cihaz hələ təsdiqlənməyib. Apple tərəfindən bazara çıxarılan ilk qatlanan ekrana sahib cihazın MacBook olacağını da xatırladaq. Ming-Chi Kuo bu mövzuda açıqlama verərək Apple imzalı ilk qatlana bilən cihazın MacBook olacağını bildirmişdi. 2026-cı ildə təqdim edilməsi gözlənilən bu qatlana bilən və tam ekranlı MacBook, Apple M5 prosessoru ilə təchiz edilə bilər.
