Nothing tərəfindən təsis edilən CMF brendi fəal şəkildə ilk smartfonunu təqdim etməyə hazırlaşır. Belə ki, CMF brendi yeni CMF Phone (1) modelinin ilk qısa tizer videosunu yayımladıqdan sonra bütün diqqətləri cəlb edə bilib. Analitiklərə görə, yeni CMF modeli son illərin ən qeyri-adi smartfonu olacaq. Qeyd edək ki, video bizi tamamilə qeyri-adi və digər smartfonlardan fərqli bir şeyin gözlədiyini açıq şəkildə dərk etməyə məcbur edir.
![CMF Phone (1)](https://tedroid.com/media/2024/06/cmf-phone-1-qeyri-adi.jpg)
Qısa tizerə əsasən, CMF Phone (1) hərəkətli gövdə elemetlərinə sahib olacaq. Videoda məqsədi hələ açıqlanmayan fırlanan idarəedicilər nümayiş edilib. Smartfonu qeyri-adi edən ən unikal xüsusiyyətlərdən biri də məhz bu fırlanan idarəedicidir. Əvvəllər aşkar edilmiş görüntüyə əsasən, bu qeyri-adi fırlanan idarəecilərdən biri arxa tərəfin alt küncündə yerləşəcək. Eyni zamanda qısa tizer videosunda da onun arxa tərəfdə müəyyən çıxıntıya səbəb olduğunu deyə bilərik. İkinci qeyri-adi idarəedicinin isə smartfonun hansı tərəfində yerləşdiriləcəyi məlum deyil.
![](https://4pda.to/s/as6yz1eiOmq8p9sjgMEnz1MUY6Jwz1n.gif)
Texniki xüsusiyyətlərə gəldikdə isə yeni CMF modelinin 6.7 düymlük 120 Hz yenilənmə sürətinə malik AMOLED ekrana sahib olacağı gözlənilir. Habelə, smartfon öz gücünü MediaTek Dimensity 7300 çipsetindən alacaq. Batareya tərəfində isə bizi 33 Vt sürətli şarj dəstəkləyən 5000 mAs batareya həcmi qarşılayacaq. Smartfonun NFC modulu ilə təchiz edilməsi də gözlənilir. Xatırladaq ki, Nothing prezidenti bu smartfonların gələn il təqdim ediləcəyini elan etmişdi.