Ötən il təqdim etdiyi Galaxy S23 FE modeli ilə FE seriyasına qayıdan Samsung, yeni FE modelini tamamlamaq üzrədir. Bununla belə, yeni Samsung Galaxy S24 FE modelinin kamera xüsusiyyətləri artıq məlum olub. Ötən yanvar ayında Galaxy S24 və S24 Ultra-nı təqdim edən Samsung, seriyaya “Fan Edition” modelini də əlavə etməyə hazırlaşır.
![Galaxy S24 FE kamera](https://tedroid.com/media/2024/06/galaxy-s24-fe-kamera-xususiyyetleri.webp)
Bildiyimiz kimi, Samsung brendi Galaxy S22 FE modelini təqdim etməmiş və birbaşa olaraq S23 FE modelinə keçid etmişdi. Habelə, uzun müddət ortaya çıxarılan sızıntılardan sonra yeni Galaxy S23 FE modeli təqdim edilmişdi. İndi isə Samsung brendinin Galaxy S24 FE modelinin kamera xüsusiyyətləri internetə sızdırılıb. Yeni bir hesabata görə, Galaxy S24 FE, Galaxy S24, S23 və S23 FE modellərində qarşılaşdığımız ISOCELL GN3 əsas kamera sensorunu saxlayacaq. Qeyd edək ki, bu sensorun 50 MP təsvir ölçüsü və 1.0μm pikselli 1/1.57″ sensor ölçüsü var. Bundan əlavə, yəqin ki, iki köməkçi sensorla qarşılaşacağıq
Galaxy S24 FE modelində Exynos və ya Snapdragon çipsetini görəcəyimiz hələ məlum deyil. Əvvəlki hesabatlar isə 12 GB LPDDR5x RAM və 256 GB (UFS 4.0) yaddaş seçimlərinə işarə edirdi. Bununla yanaşı smartfon 25 Vt simli, 15 Vt simsiz şarj təklif edən 4500 mAs batareya ilə təchiz ediləcək. Sözsüz ki, Galaxy S24 FE AMOLED ekrana sahib olacaq. Ölçülər və yeniləmə tezliyi kimi təfərrüatlar isə hələ də gizli saxlanılır. Qeyd edək ki, Galaxy S24 FE-nin ən tez payızda buraxılacağı ilə bağlı şayiələr var, lakin onun hazırda inkişaf mərhələsində olduğunu nəzərə alsaq, bir müddət daha gözləməli olacağıq.