NASA-nın Mars Kəşfiyyat Orbitatoru (MRO) hazırda sönmüş Arsia Mons vulkanı tərəfində sirli bir çuxur aşkar edib. Alimlərin fikrincə bu, planetin tədqiqi üçün həlledici ola bilər. Beləliklə, Marsda kəşf edilən “dəlik” qırmızı planetin tədqiq edilməsi üçün həlledici rola sahib olacaq.
NASA-nın Mars Kəşfiyyat Orbiteri (MRO) tərəfindən Marsda qədim bir vulkan tərəfində tapılan sirli çuxur elmi olaraq ortaya çıxara biləcəyi şeylərlə diqqət çəkib. Çuxur krateri həm astronavtlar, həm də hipotetik Mars həyatı üçün sığınacaq mühiti təmin edə biləcək daha böyük bir mağaraya səbəb ola bilər. Hazırda sönmüş Arsia Mons vulkanında yerləşən bu çuxur bir neçə metr enindədir və ilk olaraq 2022-ci ilin avqustunda kəşf edilib. Qeyd edək ki,bu dəlik MRO-nun göyərtəsindəki HiRISE kamerasından istifadə edilməklə Marsın səthindən cəmi 256 kilometr yüksəklikdə çəkilib. Əslində bu dəlik Marsdakı yeganə belə dəlik deyil. Marsın Tarsis bölgəsində üç böyük vulkanın ətrafında çoxlu belə çuxurlar var. Onu xüsusi edən, sönmüş lava axınında tapılması və tamamilə şaquli olmasıdır.
Şəkillərdə görünənlər ağlımıza belə bir sual gətirir: Bu, sadəcə olaraq dar bir çuxurdur, yoxsa daha böyük bir mağaranın girişidir? Digər tərəfdən, bu çuxur və ya dəlikləri dəyərli edən, gələcək insanlı missiyalarda sığınacaq kimi istifadə edilə bilmələridir. Mars maqnit sahəsinə malik olmasa da, çox nazik bir atmosferə də ev sahibliyi edir. Buna görə də Marsın səthində radiasiya Yerdəkindən orta hesabla 40-50 dəfə çoxdur. Bu dəliklərin nə qədər dərin olduğu hələ də sirr olaraq qalsa da, astronavtlar radiasiyadan və həddindən artıq temperatur dəyişikliklərindən qorunmaq üçün burada məskunlaşa bilərlər. Bu strukturlar həm də Mars həyatı üçün sığınacaq yerləri ola bilər və keçmişdə həyata ev sahibliyi etmiş ola bilər. İstənilən halda bu strukturlar Mars haqqında son dərəcə dəyərli məlumat verə bilər. Çox güman ki, yaxın vaxtlarda Marsda hər hansı bir rover bura enəcək.
