Xiaomi şirkətinin altbrendlərindən biri olan POCO yaxın günlərdə təqdim edəcəyi yeni POCO X6 və POCO X6 5G modelləri diqqətləri öz üzərinə cəlb edib. Belə ki, yeni POCO X6 və X6 Pro 5G modelləri artıq orta seqmentdə AnTuTu üzrə rekord performans göstərib. Əsasən orta seqment cihazlar istehsal edən və bazara çıxaran POCO bu dəfə rekord qırmağı bacarıb. Qeyd edək ki, yeni X6 Pro 5G modeli Xiaomi brendinin orta seqmentdəki flaqman Redmi K70E modelinin rebrendinq edilmiş versiyası olacaq.
POCO X6 Pro modeli hələ təqdim edilməmiş AnTuTu platformasında 1464228 xal ilə rekord performans göstərib və orta seqmentdə lider mövqeyə yüksəlib. Maraqlısı budur ki, bu rəqəm Dimensity 8300 üçün göstərilən istinad dəyərlərindən belə daha yüksəkdir. Yeni POCO X6 Pro xüsusiyyətlərinə keçid etsək, ilk öncə onu deyə bilərik ki, smartfon 120 Hz yeniləmə sürətinə malik 6.7 düymlük AMOLED displeyə sahib olacaq. Habelə yeni orta büdcəli smartfon 64MP OIS dəstəkləyən əsas kamera, 8MP geniş-bucaqlı, 2MP makro kamera ilə təchiz ediləcək.
Batareya tərəfində isə yeni smartfon 67 Vt şarj dəstəkli 5000 mAs batareya həcminə sahib olacaq. Həmçinin smartfonun MIUI 14 əvəzinə HyperOS sistemi ilə təchiz ediləcəyi də artıq hərkəsə məlumdur. Hələlik smartfon barədə çox xüsusiyyət məlum olmasa da, onun başlanğıc qiymətinin 280 dollar civarında olacağı gözlənilir. Habelə POCO X6 və POCO X6 Pro 5G modelləri yanvarın 11-də qlobal bazar üçün təqdim edilə bilər. O dur ki, yaxın günlərdə orta seqment smartfon bazarının rekord performans göstərən yeni cihazı qarşımıza çıxacaq.
