Google şirkəti bu səfər qarşıdan gələn Pixel 7 və Pixel 7 Pro smartfonları üçün yeni Tensor G2 çipsetini sınayır. Keçən il çıxarılmış Pixel 6 seriyasından bəri, öz çipsetlərini istifadə etməyə başlayan Google qarşımızdakı həftələrdə yeni Pixel 7 seriyası modellərini tanıdacaq.
Google Pixel seriyasının Tensor çipsetlərinə keçidi biraz uğurlu alınmayıb
Google Pixel ailəsində uzun illərdir Qualcomm şirkətinin Snapdragon çipsetlərinə ehtiva edən Google, daha optimal nəticəyə nail olmaq üçün öz çipsetlərini dizayn etməyə başlayıb. Birinci misal olaraq işlətdiyi smartfon isə Pixel 6 və Pixel 6 Pro cihazlarında sınanmışdır. Google şirkəti Pixel 6 seriyasında tənqidlər almışdı. Pixel 7 Pro modelinə aid Geekbench testində cihaz təknüvəli testdə 1068, çoxnüvəli testdə isə 3149 bal toplayır. Müqayisə üçün Snapdragon 8 Gen 1 çipsetinə sahib Xiaomi 12 Pro modeli təknüvəli testdə ortalama olaraq 1250, çoxnüvəli testdə 3700 xal toplayır. Nəticədə performans olaraq Google Tensor 2 çipseti Snapdragon 888 çipsetinin biraz önündə nəticə göstərir. Snapdragon 8 Gen 2 çipsetinin təqdim ediləcəyinin nəzərə alsaq, performans yeni nəsil cihazların müəyyən qədər gerisindədir. Bunun səbəbi isə 2 ədəd Cortex-X1, 2 ədəd Cortex-A76, 4 ədəd Cortex-A55 əsaslı nüvələrin sabit qalmasından qaynaqlanır. Nüvələrin konfiqurasiyasında mühim bir dəyişiklik mövcud deyil. Mali-G710 qrafik çipi isə yüksəltmə kimi göstərilə bilər. Qeyd edək ki, çipset 4nm Samsung PLP istehsal prosesinə əsaslanacaq. Çipsetin özü də Samsung mühəndisləri həmkarlığında inkişaf etdirilməkdədir. Ümid edirik ki, Google Tensor 2 çipsetinin sintetik test nəticələri cihaz təqdim edilmədiyi üçün belə aşağıdır və təqdimatdan sonra gələcək yeniləmələrlə müəyyən qədər artar. Lakin Google Tensor ilə müqayisədə potensialın çox da artacağını ehtimal edilmir.
Gələcək Pixel 7 seriyası rəng çeşidləri və qiyməti
Google Pixel 7 seriyası isə üç rəngdə satışa çıxarılacaq. Obsidian (qara), Qar (ağ) və Lemongrass (sarı yaşıl). Google Pixel 7 Pro isə əlavə rəng olaraq (Cheetah) rəngi ilə gələcək. Onlayn mağazaların verdiyi məlumatlara görə Panther kod adlı Google Pixel 7 istifadəçilərə 599 dollara başa gələcək. Google Pixel 7 Pro (Cheetah) 899 dollar başa gələcək.
Pixel 7 Pro modelinin hansı çipsetin gücləndirəcəyi ilə bağlı heç bir sirr olmadığı kimi, cihazda hansı proqram təminatının debüt edəcəyi ilə bağlı sirr olmadığını Google şirkəti tərəfindən bildirilib. Pixel 7 Pro modelinin ən yeni əməliyyat sistemi ilə gəlməsini istəyən Google şirkəti, Android 13 əməliyyat sistemini Pixel smartfonları üçün artıq əl çatan olacağını bildirib. Android 13 əvvəlkilərdən böyük dəyişiklik gözlənilmir. Lakin sizə yeni fərdiləşdirmə sistemi, kilid ekranı üçün oynanan vidjet, redaktə edilə bilən, kopyalama və ya yapışdırma və tətbiqlər üçün daha ətraflı icazələr gözləyə bilərsiniz. Google şirkəti Pixel 7 və 7 Pro modellərinin təqdimatının 6 oktyabrda, satışların isə 13 oktyabrda başlaması nəzərdə tutulur.
