Robotexnika sahəsinin inkişaf etməsi ilə insanlar daha çox hərəkətləri, danışığı insana bənzəyən robotlar gözləyirlər. Lakin əslində, bu sahənin ən çətin və ən çox gəlir gətirmə potensialına sahib sahələrindən biri miniatur nanorobotların yaradılması ilə bağlıdır. Belə robotların ölçüsünün kiçik olmasının əsas hədəfi, insan bədəni daxilində də nanorobotların hərəkət edə bilməsinin mümkünlüyüdür. İndiyə qədər adətən filmlərdə gördüyünüz, maye metal şəklində görünən elmi-fantastik robotların parçalanıb-birləşərək hərəkət etməsi dərc edilən yeni araşdırma məqaləsinə görə mümkün olub. Alimlər maqnetik mayedən parçalana bilən biotibbi robot hazırlayıblar.
Maqnetik mayedən hazırlanmış parçalana bilən biotibbi robot hansı məqsədlər üçün istifadə olunacaq?
Araşdırma Science Advances jurnalında yayımlanıb. İnsan bədəni normal nanorobotlar üçün tam uyğun deyil. Ölçüsünü nə qədər kiçiltəsəniz belə bu robotların hərəkəti zamanı bəzi çətinliklər yaranır. Lakin bəzilərinin venom damlası olaraq da adlandırdığı maye maqnetik nanometrlik robotlar biraz fərqlidirlər. Maqnetik mayedən hazırlanmış parçalana bilən biotibbi robotun əsası ferromaqnit mayelərdən ibarətdir. Dəmir oksidi və hidrokarbondan ibarət yağın suspenziyası olaraq qeyd edilən tərkibə malik robotlar xüsusi maqnitlər vasitəsilə idarə edilirlər.
Dar yerlərdən keçmək lazım olduqda 12-13 xırda hissəyə bölünən maqnetik maye tərkibli biotibbi robot, lazımi tapşırıqları yerinə yetirdikdən sonra təkrar birləşir. Soochow Universitetinin Çin və Tayvandan olan Alimlərin əsas məqsədi bu nanorobotlar ilə bədənin müxtəlif yerlərinə dərman, keyidici tipli preparatları daşımaq olaraq göstərilir. Lakin fərqli alimlərin qeydlərinə görə belə bir texnologiyanın insan bədənin istifadəsi hal-hazırda çox çətin və qanunsuz görünür. Çünki, mükəmməl səviyyədə idarə edilə bilməyən bu robotlar parçalandıqdan sonra lazımsız yerlərdə qalıq kimi qala və ya insan bədəninə nüfuz edəcək qədər güclü təsirlərə malik ola bilər. Nəticədə testlər hələlik yalnız laboratoriya şəraitində kənara çıxara bilməz.
