Qoldan ayrılıb özbaşına hərəkət edən, hətta əşyaların üzərinə dırmaşa və əşyaları daşıya bilən robot əl hazırlanıb. Elmi-fantastik filmlərdə gördüyümüz robotlara artıq bir addım daha yaxınlaşdıq.
Bəzi filmlərdə eləcə də cizgi filmlərində biz bəzi robot personajların əllərini ataraq rəqiblərini tutduğunu və ya əşyaları tutmaq üçün robot əllərindən istifadə etdiyini görürük. IEEE Beynəlxalq Robototexnika və Avtomat Konfransında təqdim edilən robot əl də qoldan ayrılıb özbaşına hərəkət edə bilmək xüsusiyyəti ilə diqqətləri öz üzərinə çəkib. EPFL-in İsveçrədə apardığı araşdırmada bir çox fərqli obyekti tuta bilən, qolundan ayrılıb müstəqil hərəkət edə bilən bu robotun videoları da paylaşılıb.
Hətta paylaşılan videolara əsasən robotun çox balansı və çevik quruluşa sahib olduğunu deyə bilərik. Video olduqca darıxdırıcı başlasa da, xüsusilə ikinci yarıda daha diqqətəlayiq olur. Komanda tərəfindən edilən şərhdə, dərin öyrənmə modeli sayəsində çoxbarmaqlı əl tutma üçün çevik manipulyasiya üsullarının əhəmiyyətli dərəcədə inkişaf etdiyi, lakin mürəkkəb mühitlərdə əlaqə məlumatı ilə idarə olunan tutuşun hələ də tam inkişaf etdirilməmiş bir sahə olduğu ifadə edilib. Digər tərəfdən bu əl göz oxşasa da, görənləri bir az narahat edən quruluşa malikdir.
