Məşhur insayder OnLeaks tərəfindən bu gün OnePlus şirkətinin ilk planşeti barədə render görüntüləri paylaşılıb. Belə ki, OnePlus Pad planşetinin şəkilləri olduqca qəribə dizayn ilə diqqət çəkib. Şəkillərdə əsas kameranın digər planşet kameralarına görə çox qeyri-adi olduğunu görə bilərsiniz. Planşetin nəzərə çarpacaq dərəcədə gövdədən kənara çıxan dairəvi bir kamera modulu var. Ona görə də cihaz planşetdən daha çox nəhəng bir smartfonu xatırladır. Digər bir tərəfdən planşetin kamerasını OnePlus şirkəti flaqman smartfonlarında olduğu kimi Hassleblad mütəxəssisləri ilə birgə yaratmış ola bilər. Şirkət rəsmi olaraq 7 fevralda yeni OnePlus 11 smartfonunun qlobal təqdimatı və OnePlus 11R smartfonunun debütündə keçiriləcək tədbirdə planşeti təqdim etməyə hazırlaşır. Planşetin texniki xüsusiyyətləri isə namlumdur.
Məlumata görə, gövdəsi metaldan hazırlanmış OnePlus Pad simmetrik çərçivələrlə əhatə olunmuş 11,6 düymlük ekranla gələcək. Hərkəsə maraqlı və sirr kimi qalan planşetin render görüntülərində isə mərkəzdə yerləşən böyük dairəvi kamera modulunun sensorları əks olunmayıb. Planşetin tək və ya çoxlu arxa kamera sistemi ilə təchiz ediləcəyi hələlik bəlli deyil. Həmin hissənin kənar uclarda yerləşdirilməməsi, qalınlığı və gizliliyi kamera konfiqurasiyasının güclü ola biləcəyi barədə suallar yaradır. Lakin qeyd etməliyik ki, təmin etdiyimiz məlumatlara görə tək kamera işlədiləcək və heç bir hasselblad imzası olmayacaq.
Təəssüf ki, bu cihaz haqqında başqa təfərrüatlar məlum deyil. Yeni OnePlus Pad renderlərini real görüntülərini görmək və onun böyüyən Android planşet bazarında harada yerləşəcəyi barədə iddialar irəli sürmək üçün 7 fevral tarixinə qədər gözləməliyik.
