Nvidia-nın yeni nəsil Blackwell arxitekturası GeForce RTX 50 qrafik kartları üçün yeni xəbərlər ortaya çıxmağa başlayıb. Performans baxımından əhəmiyyətli təkmilləşdirmələr təklif edəcək GPU ailəsi növbəti il təqdim ediləcək. Nvidia Blackwell və ya RTX 50 seriyası olaraq bilinən GPU seriyası özlüyündə əvvəlkindən xeyli güclü olacaq. Bildiyiniz kimi, hazırkı Ada Lovelace arxitekturası təqdim edildiyi gündən həm xüsusiyyətləri, həm də performansı ilə sənayedə rəqibsiz bir mövqeyə malikdir. Bu kontekstdə, gözləmə davam edərkən, RTX 50 seriyalı qrafik kartları üçün yeni bir təqdimat tarixi qeyd olunub.
GeForce RTX 50 qrafik kartları TSMC-nin ən qabaqcıl 3nm istehsal prosesi ilə görünəcək. Bu prosesin hazırda mövcud 4nm ilə müqayisədə 25-30 faizə qədər enerji səmərəliliyi, tranzistor başına 10-15 faiz performans artımı və sıxlıqda 1,7 dəfə artım təklif edəcəyi bildirilir.
Üstəlik, inkişaf bununla məhdudlaşmır. Yeni GPU-lar AMD-nin Radeon RX 7000 seriyası kimi GDDR7 yaddaşı və DisplayPort 2.1 standartını gətirəcək. Əvvəlki sızmalar Blackwell GPU-ları üçün 2025-ci ilin əvvəlinə işarə edirdi. Lakin bu tarix daha əvvələ köçürülmüş görünür. Tanınmış insayder Moore Law is Dead də 2024-cü ilin 4-cü rübündə təqdim ediləcəyini təsdiqləyib.
Xatırlasaq, RTX 40 seriyası, yəni “Ada Lovelace” arxitekturası 2022-ci ilin 4-cü rübündə , RTX 30 seriyası isə 2020-ci ilin 3-cü rübündə təqdim edilib. Ona görə də deyə bilərik ki, sızıntının böyük bir ehtimalla həqiqəti var.
