Bu yaxınlarda Nothing Phone (2) modelinin texniki xüsusiyyətləri ilə bağlı bəzi detallar Carl Pei tərəfindən açıqlanmışdı. Həmin xəbəri biz də sizlərlə paylaşmışdıq və cihazın preimum seqmentə aid olacağı dəqiqləşmişdi. Belə ki, mysmartprice resursu tərəfindən Nothing Phone (2) barədə yeni detallar bölüşülüb. Verilən məlumata görə Nothing Phone (2) modeli bu ilin üçüncü rübündə təqdim ediləcək. Nothing Phone (1) verilənlər bazasında A063 olaraq qeyd edilərkən, bu günə dəqiqləşən detallara görə cihaz A065 olaraq qeydə alınıb. A065 model nömrəli cihaz isə öz gücünü Snapdragon 8 Gen seriyası çipsetdən almaqdadır.
Bundan əlavə smartfona 120Hz tezlikli AMOLED ekran quraşdırılacaq. Ekran adaptiv tezlikli olub görüntüyə görə tezliyi aktov tənzimləyə bilər. Batareya həcminin isə 4500 mAs əvəzinə 5000 mAs olacağı deyilir. Batareya həcminin 500 mAs artması gövdənin əhəmiyyətli dərəcədə yenilənməsindən xəbər verir. Digər bir tərəfdən isə Nothing Phone (2) barədə bəzi detallar modelin 12GB-a qədər operativ yaddaş və 256GB-a qədər yaddaş təklif edir.
Ötən yay ayından bu yana brend bazarda çox passiv görünsə də Carl Pei əslində startapının təməlini gücləndirmək üçün vacib işlər gördüyünü bildirir. Belə ki, Carl Pei tərəfindən verilən məlumata görə Nothing brendinin hədəfi ABŞ bazarıdır. Lakin buna baxmayaraq sızdırılan detallarda cihazın qlobal bazar üçün də sertifikatlaşdırma mərhələsində olduğu deyilir. Dizayn və daha çox texniki detallar isə naməlumdur. Ola bilsin ki, şirkət əsas və ultra-geniş bucaqlı kameraları təkmilləşdirəcək, lakin əlavə bir telefoto kamerasından istifadə edəcək.
