İlk smartfonu ilə bütün diqqətləri clb etməyi bacaraq Nothing brendi indi Nothing Phone 2a ilə gündəm mövzusu olub. Qeyri-adi dizaynı və özünəməxsus məhsulları ilə seçilən nothing ötən həftələrdə heç gözlənilməyən şəkildə iş geyimləri kolleksiyasını təqdim etmişdi. Qeyd edək ki, bu kolleksiya internetdə birmənalı qarşılanmayıb. OnePlus şirkətinin keçmiş qurucularından biri olan Carl Pei Nothing brendinin 3 il öncə qurmuşdu. Şirkət ilk olaraq naqilsiz qulaqlıq daha sonra isə smartfon təqdim etməklə bütün diqqətləri öz üzərinə cəlb etmişdi.
Habelə Carl Pei tərəfindən qurulduğu üçün və iddialı cihazları ilə bazara daxil olduğu üçün şirkət milyonlarla dollar investisiya almağı da bacarıb. İndi isə Nothing şirkətinin yeni Phone 2a modeli barədə bəzi xüsusiyyətlər ortaya çıxıb. Texnologiya nəhənginin ilk smartfonunda olduğu kimi Phone 2a modelində də LED-lər mövcud olacaq. Habelə smartfondan kamera tərəfinin əhatə edən 3 LED zolağı mövcuddur. İndi kameralar şaquli deyil, üfüqi olaraq dizayn edilib. 6.7 düymlük ekran ilə qarşımıza çıxacaq smartfonun model adı A142 olaraq qeyd edilib.
Texniki tərəfdə isə Phone 2a smartfonu 8 nüvəli MediaTek Dimensity 7200 çipsetindən güc alacaq və GPU tərəfində Mali-G610 MP4 modeli ilə diqqət cəlb edir. Daha əvvəl isə smartfonun ekranının 120Hz yenilənmə sürətinə sahib olacağı və 4920 mAs batareya ilə təchiz ediləcəyi məlum olmuşdu. Habelə smartfonun 16MP selfie kamerasına və 50MP əsas kameraya sahib olacağı iddia olunur. O cümlədən smartfonun 8-128GB yaddaş seçimi ilə 400$ qiymət etiketinə sahib olacağı gözlənilir.
