Çinli bir şirkət öz noutbukunda ən yüksək performans əldə etmək istəyən istifadəçilər üçün tam 64 nüvəli server prosessoru istifadə edib. Beləliklə dünyanın ilk server prosessorlu noutbuku Çinli noutbuk istehsalçısı tərəfindən hazırlanıb və təqdim edilib. Ümumiyyətlə noutbuk dünyası uzun müddətdir ki, müəyyən dizayn xəttindən kənara çıxa bilmir. İstehlakçıların rahatlığı üçün nəzərdə tutulan bu dizayn artıq standart kimi qəbul olunub və dəyişilməyib.
Çinli noutbuk istehsalçısının server prosessorlu noutbuku isə standart dizayn xəttindən kənara çıxmağı bacarıb. Hətta bu noutbuk kənardan baxıldıqda nəhəng serverə bənzəyir. Əslində serverə bənzəməsi heç də təsadüfi deyil. Çünki noutbuk öz gücünü 64 nüvəli AMD EPYC prosessorundan alır. Habelə noutbuk daxilində GeForce RTX 4080 flaqman qrafik kartı da yer alır. Bu nəhəng noutbukun soyutma tərəfində isə ilk bölünmüş maye soyutma sistemindən istifadə olunur. İstilik boruları yerinə radiatorlara sahib olan bu sistem çox daha yaxşı soyutma təmin edir.
17 düymlük 2.5K təsvir ölçülü 240 Hz yenilənmə sürətli ekrana sahib olan noutbuk həmmçinin 4K 120Hz ekran ilə də təklif olunur. Bundan əlavə sistem temperaturu kimi müxtəlif texniki məlumatlar ön tərəfdəki 3.5 düymlük kiçik ekranda istifadəçilərə təqdim olunur. 420 mm x 325 mm x 46 mm ölçülərinə sahib olan noutbuk standart noutbuklardan əhəmiyyətli dərəcədə fərqlənir. Hətta biz bu fərqli həm dizayn, həm də texniki tərəfdə görə bilərik.
