Artıq Nothing brendinin yeni smartfonu bir həftəyə yaxındır satışdadır. Əvvəlcədən brendə olan maraq və uğurlu marketinq siyasəti nəticəsində müştərilər hətta sıraya düzülüb modeli əldə etməyə çalışdı. Lakin hər yeni istehsala başlayan brenddə görülən istehsal qaynaqlı xroniki problemlər Nothing Phone (1) modelində də istifadəçiləri çətin vəziyyətə salıb. Belə ki, bu problemlər ən çox ekran panelindən qaynaqlanan qüsurlar tərəfində özünü göstərib. Gəlin yaşanan bütün problemlərə birlikdə nəzər salaq.
Nothing Phone (1) modelində yaşanan problemlər özünü nədə göstərir?
Məsələn, şikayətlərdən biri ötən il Xiaomi Mi 11 Lite modelinin seriya istehsalından çıxan ilk modellərdə yaşanan “yaşıl ekran” xətasıdır. Əsasən AMOLED ekran panellərində aşağı paralaqlıqda müşahidə edilən bu problem istifadəçini xeyli narahat edə bilir. Bərpası demək olar heç cür mümkün olmadığından ekran panelinin dəyişdirilməsi lazımdır. Əks halda smartfon yenisi ilə əvəzlənir.
Müsbət hal ondadır ki, Nothing brendi alıcılarından gələn iradları diqqətə alır. ViaHeart ləqəbli bu tviter istifadəçisinin qeyd etdiyinə görə brend smartfondakı xətanın istehsal qaynaqlı olduğunu qəbul edib və başladılan dəyişdirmə tələbinə müsbət cavab verilib.
Fərqli bir istifadəçi isə yenə digər şəxs ilə eyni yaşıl ekran problemi ilə qarşılaşarkən, əlavə olaraq arxa panelə su və ya par sızması problemi ilə də bağlı şikayət edib. Xatırladaq ki, bu smartfon IP53 sertifikatı üzrə su və toz qarşı müəyyən qədər qorunur. Göründüyü kimi kamera modulundan tutmuş, şəffaf panelin aralarına qədər su hissəcikləri daxil olub.
Alıcılardan biri isə arxa tərəfə yapışdırılan LED işıqlardan birinin yapışqanının qopduğunu iddia edir. Amritanshu Mukherjee adlı bu şəxs Nothing brendi ilə əlaqə saxlasa da hələlik bir nəticə almadığını bildirir. Nothing Phone (1) modeli ilə bağlı gələn şikayət xarakterli problemlər əslində bununlarla bitmir. İddialara görə firmanın verdiyi məlumatda yalnız ilk partiya modellərdə belə hallar yaşanır. Təəssüf ki, bir dənə belə problem yeni yaradılmış firma üçün xeyli xələl gətirir. 470 avro başlanğıc qiymət etiketi ilə təklif olunan bu model barədə sizlər nə düşünürsünüz? Fikirlərinizi rəylərdə bölüşə bilərsiniz.
