Nokia smartfon sənayesinə qayıtmaq üçün addımlar atmağı planlaşdırır. Əldə edilən məlumata görə, şirkət HMD tərəfdaşlığından ayrılacaq və yeni tərəfdaş axtaracaq. Beləliklə, öz dövrünün əfsanəsi hesab olunan Nokia yenidən öz yerini qazanmağa çalışır.
Bir vaxtlar dünyanın ən böyük telefon markalarından biri olan, lakin sonradan arxa plana keçən Nokia, son illərdə HMD Global ilə ortaq şəkildə satışa çıxarılan smartfonlarla görünür. Bununla belə, yeni xəbərlər şirkətin bununla bağlı addımlarını intensivləşdirməyə başlaya biləcəyini göstərib. Nokia-nın İcma Menecerinin Reddit-də yazdığı bir yazı şirkətin smartfon istehsalı üçün müxtəlif tərəfdaşlar axtardığını ortaya qoydu. Yazı qısa müddət sonra silinsə də, bu xəbəri texnologiya dünyasının gündəminə gətirmək üçün kifayət edib.
Yazıda Nokia-nın smartfon tərəfdaşlığı üçün iri miqyaslı istehsalçılarla tərəfdaşlıq axtardığına dair bəyanatlar yer alırdı. Bundan sonra hər kəs şirkətin smartfon sənayesində güclü geri dönüş etmək üçün qollarını çırma etdiyini düşünməyə başladı. Onun HMD-dən ayrılmaq istədiyi barədə də şayiələr var. Nokia və HMD Global arasında əməkdaşlıq 2026-cı ildə başa çatacaq. Yəqin ki, Nokia həmin tarixdən sonra smartfonlar istehsal etmək üçün yeni tərəfdaş tapmağı düşünür. İddialara görə, HMD tərəfdaşlığı davam etdirmək istəmir və diqqəti öz cihazlarına yönəltməyi planlaşdırır. HMD və Nokia-nın ortaqlığı ilə buraxılan telefonlar davamlılığı ilə diqqət çəksələr də, ümumiyyətlə, çox da uğurlu olmadılar və proqram təminatı və xüsusiyyətləri baxımından məyus olublar.
