Yəqin ki, Ən yaxşı smartfon sualının cavabı hər kəs üçün fərqlidir. Belə ki, sualın cavabı istifadəçilərin maraqlarından asılı olaraq dəyişə bilir. Məsələn bəziləri batare tutumu ən çox olan smartfonu, bəziləri performans baxımından ən sürətli olan smartfonu bəziləri isə kamera tərəfində ən yaxşı çəkən smartfonu ən yaxşı hesab edir. Bütün bu mübahisələr son qoymaq üçün isə MWC 2024 sərgisi çərçivəsində ötən ilin ən yaxşı smartfonu nominasiyası üzrə qalib seçilib. Beləliklə, 2023-cü ilin ən yaxşı smartfonu Pixel 8 seriyasıdır.
Bildiyimiz kimi, ötən bir çox flaqman smartfon təqdim edilib. Belə ki, bunlara Galaxy S23 seriyası, iPhone 15 seriyası aiddir. Hər il olduğu kimi, bu il də ilin ən yaxşı smartfonu mükafatının qalibi MWC 2024 çərçivəsində açıqlanıb. Maraqlısı budur ki, Google şirkətinin qabaqcıl smartfon seriyası Pixel 8 yenilikçi xüsusiyyətləri və üstün performansı ilə ilin smartfonu seçilib. Belə ki, Pixel 8 seriyası aparıcı analitiklər, jurnalistlər və influnserlər tərəfindən aparılan qiymətləndirmə zamanı 2023-cü ilin “Ən yaxşı smartfon” seriyası seçilib. Nəzərinizə çatdıraq ki, bu, Pixel seriyası üçün bir ilkdir. Əvvəlki mükafatlara baxdığımızda keçən ilki mükafatın sahibi iPhone 14 Pro olub.
Ümumiyyətlə Apple bir neçə ildir ki, ardıcıl olaraq bu nominasiya üzrə qalib seçilirdi. Lakin bu il ilk dəfə olaraq 2023-cü ilin ən yaxşı smartfon seriyası Google brendindən seçilib. Qeyd edək ki, bu nominasiya üzrə Pixel 8 seriyası ilə, iPhone 15 Pro, OnePlus Open, OPPO Find N3, Samsung Galaxy S23, Samsung Galaxy Z Flip 5 modelləri rəqabət aparırdılar.
