Yəqin ki, bir çoxumuz Windows əməliyyat sistemlərindəki yüklənmə ekranlarda zamanın tez keçməsini istəyirik. Bəzən bu yüklənmə ekranları bezdirici dərəcədə uzun ola bilir. Lakin Microsoft isitifadəçilərin bu probleminə də həll tapıb. Belə ki, Microsoft Windows 11 sisteminin yüklənmə ekranına yeni əyləncəli oyun əlavə edib. Əslində bu addım təkcə Microsoft tərəfindən deyil, bir çox texnologiya nəhəngləri tərəfindən daha əvvəl də atılıb. Belə ki, Google axtarış mühərrikinin məşhur oyunu buna misal ola bilər. Lakin bu oyun daha canlı qrafiklərə sahibdir və mütləq internet bağlantınız olmalıdır.
Qeyd edək ki, ortauya çıxan şəkillər göstərir ki, microsoft windows 11 istifadəçiləri artıq bu oyun ilə vaxt keçirərək yüklənmə ekranında bezməyə bilər. Belə ki, “SkiFree” adlı mini sörfinq oyunu digər kiçik həcmli oyunlar kimi zaman keçirmək üçün mükəmməldir. Əgər istəsəniz Microsoft Edge brauzerində “edge://surf” yazaraq bu oyunu yükləmə ekranından kənarda sınaya da bilərsiz. Onu da qeyd edək ki, oyunun sadəcə Microsoft Surface kompüterləri üçün eksklüziv olacağı da iddia edilir. Tom Uorren bildirir ki, o, görüntünü bu yaxınlarda təqdim edilən Surface Laptop Studio 2-dən götürüb. Keçən həftə “23H2” adı altında “Windows 11” əməliyyat sistemi üçün böyük bir yeniləmə edildi. Məhz bu görüntü də həmin yenilənmə ekranından çəkilib.
Nəzərinizə çatdıraq ki, bu yenilənmə ilə birlikdə hesablara daxil olmaq üçün üz, barmaq izi və ya cihaz PİN kodundan istifadə edə biləcəyiniz parolsuz giriş təcrübəsi təklif olunur. Həmçinin bu xüsusiyyətlər artıq insayderlər tərəfindən sınaqdan keçirilib və istifadəyə tam hazırdır. 23H2 yeniləməsi ilə daxili RAR / 7-zip dəstəyi kimi xüsusiyyətlər də məhsuldar süni intellekt mərkəzli Windows köməkçisi Microsoft Copilot ilə təklif olunur.
