Ötən həftə Qualcomm şirkəti Samsung ilə olan müqaviləsini 2 il daha uzatdı. Beləliklə, 2026-cı ilə qədər Samsung Galaxy S “Ultra” seriyasında Exynos çipsetinin olmayacağına dair ehtimal qismən təsdiqlənmiş oldu. Lakin bu xəbərlərin ortaya çıxmasının ardınca Mediatek şirkəti ayaqlanmağa başlayıb. Qualcomm şirkətinin mobil sənayedə ən böyük rəqibi Mediatek Samsung şirkəti üçün xüsusi təklif planı təqdim edib.
Samsung öz smartfonlarında Unisoc-dan Qualcomm-a qədər müxtəlif platformalardan istifadə edir. MediaTek çipləri də son vaxtlar çox nadir olsa da istifadə olunur. İddialara görə insayder “Revegnus” bildirir ki, MediaTek Koreya nəhənginə geniş platformalar üçün xüsusi qiymətlər təklif edib. Sızdırılan məlumatlara görə, Samsung da MediaTek-dən gələn təklifi dəyərləndirib. Cənubi Koreyanın texnologiya nəhənginin çipset istehsal xərclərinin MediaTek təklifi ilə müqayisə etdiyi bildirilib.
MediaTek-in Dimensity 9300, 8300 və 8300 Ultra prosessorları xüsusilə əhəmiyyətli performans dəyərlərinə malikdir. MediaTek isə Samsung ilə daha geniş bir bazara müraciət etməyə niyyətli olduğunu bildirir.
Samsung-a məxsus eksklüziv endirimin nə qədər böyük olduğu bilinmir. Həmçinin, bunun bütün MediaTek SoC-lərə və ya bəzi xüsusi SoC-lərə aid olub-olmaması barədə məlumat yoxdur. Güman etmək edilir ki, MediaTek şirkəti Samsung-u yüksək səviyyəli Dimensity platformalarına cəlb etməyə çalışır. Lakin şirkətin məhz hansə məqsədləri olduğu aydın deyil. Ən azından Samsung Qualcomm ilə müqavilə imzalayıb, ona görə də yaxın bir neçə ildə Dimensity 9xxx SoC əsaslı Galaxy S smartfonlarını görmək məntiqli deyil.
Hər halda, yaxın gələcəkdə MediaTek SoC əsasında daha çox Samsung smartfonlarının peyda olması ehtimalı var. Vurğulamaq lazımdır ki, Insider Revegnus, Exynos 1480 SoC-də AMD GPU haqqında məlumat verdi və sonradan Geekbench proqramında təsdiqlənmiş Exynos 2400-ün spesifikasiyalarını ortaya qoymuşdur.
