Prosessor tərəfində ən çox diqqət çəkən brendlərdən biri olan MediaTek ilə qrafik kartı nəhəngi Nvidia əməkdaşlıq edəcək. Belə ki, yeni məlumata görə, Nvidia və MediaTek birlikdə birdən çox prosessor hazırlayır. Bununla da, iki texnologiya nəhəngi yeni bir əməkdaşlığa imza atıb. Hələlik bu prosessorlar barədə geniş məlumat verilməyib.
Son aylarda Meta ilə AR/VR qulaqlıq həlləri üzərində bəzi prosessor mərkəzli iş aparacağı açıqlanan MediaTek, yeni məlumata görə, Nvidia ilə Arm arxitekturasına bənzər süni intellektə əsaslanan xüsusi PC prosessorları inkişaf etdirir. Nvidia qrafik xüsusiyyətlərinə sahib prosessorlarla yeni dövrdə iddialı olmaq istəyən MediaTek, Nvidia ilə birlikdə portativ oyun cihazları üçün xüsusi bir prosessor inkişaf etdirir. Təbii ki, Nvidia qrafik vahidlərinə sahib olduğu deyilən bu prosessor böyüyən portativ oyun bazarında böyük təsir göstərə bilər və aşağı enerji istehlakını yüksək performansla birləşdirə bilsə, olduqca böyük maraq cəlb edər.
Nintendo-nun 2025-ci ildə gələcək kimi görünən yeni Switch 2 oyun konsoluna da güc verəcək qrafik kartı nəhəngi Nvidia bu sahəyə böyük əhəmiyyət verir, çünki bu gün oyunçular oyunu tək bir məkandan deyil, istədikləri yerdə və istədikləri anda oynamağa üstünlük verirlər. Hələlik yeni prosessorun hansı xüsusiyyətlərə sahib olacağı bilinməsə də, onun mobil oyunları ən yüksək səviyyədə oynada biləcəyi gözlənilir. Qeyd edək ki, Nvidia bu layihə ilə yanaşı hazırda yeni qrafik kartlarını təqdim etməyə hazırlaşır.
