MediaTek yeni Dimensity 7350 çipsetini təqdim edib. Belə ki, orta səviyyəli smartfonlara güc verəcək yeni çipset iddalı rəqib olmağı bacarıb. Gəlin görək, yeni təqdim edilən çipset orta səviyyəli smartfonlar üçün nələr təklif edir?
Ümumiyyətlə, smartfon bazarının aparıcı adlarından biri olan MediaTek, Dimensity seriyası ilə bazarda iddialı bir rəqib olmağı bacarıb. Prosessor nəhəngi indi orta səviyyəli cihazlar üçün nəzərdə tutulmuş ən son Dimensity 7350 çipsetini bizlərə təqdim edib. Dimensity ailəsinin yeni üzvü bəzi performans təkmilləşdirmələri və süni intellekt dəstəyi ilə yanaşı istehsalçılara büdcəyə uyğun qiymətə təklif olunacaq. Bu gün edilən rəsmi açıqlamaya görə, MediaTek Dimensity 7350, əvvəlki nəsildən fərqli olaraq, TSMC-nin ikinci nəsil 4nm istehsal prosesinə əsaslanır.
8 nüvəli struktura sahib olan çipset iki 3,0 GHz Cortex-A715 nüvəsi və altı Cortex-A510 nüvəsi ilə təchiz edilmişdir. Digər təkmilləşdirmə isə, çipsetin süni intellekt tapşırıqları üçün MediaTek 657 NPU ilə təchiz edilməsidir. Bundan əlavə, MediaTek həm LPDDR4x, həm də LPDDR5 RAM dəstəyinə üstünlük verib. Çipset qrafika bölməsində, oyun təcrübəsini yaxşılaşdırmağı hədəfləyən Arm Mali-G610 MC4 GPU ilə istifadəçilərə təqdim edilib. Əlavə olaraq 5G dəstəyi və ikili 5G gözləmə rejimi kimi standartları gətirən Dimensity 7350, təsvir imkanlarına gəldikdə, 200 MP və 144Hz-ə qədər Full HD+ displeyləri, həmçinin 4K30FPS video dəstəkləyir. Çipset həmçinin, HyperEngine 5.0 oyun mühərrikinə malikdir.
