Hər il olduğu kimi, 2024-cü ildə də texnologiya nəhəngləri öz cihazlarını daha da təkmilləşdirərək yenidən elan edir və satışa çıxarır. Belə ki, televizor və digər məişət əşyaları ilə məşhur olan LG brendi də 2024 model yeni OLED TV modellərini elan edib. Yeni televizorlarda ən çox diqqət çəkən xüsusiyyət isə süni intellektin ön plana çıxmasıdır. O cümlədən Yeni Alpha 11 çipseti ilə görüntü və səs tərəfində bir çox süni intellekt əsaslı təkmilləşdirmələr olacaq. Görünən odur ki, LG brendi də süni intellektdən maksimum faydalanmağa çalışır.
Ötən il LG CES 2023 sərgisində ən parlaq və ən yeni OLED televizorlarını təqdim etmişdi. Hətta şirkət panel texnologiyasının uzun müddətdir mövcud olan çatışmazlıqlarından birini də aradan qaldırmışdı. O cümlədən LG CES 2023 sərgisində Zero Connect adlı qutudan görüntü alan ilk simsiz televizoru Signature OLED M modelini də təqdim etmişdi. Məhz bu il də CES 2024 sərgisinə günlər qala LG süni intellekt və kiçik təkmilləşdirmələrə sahib olan yeni OLED TV modellərini elan edib. LG indi OLED TV seriyasında 144Hz yenilənmə sürətinə qədər dəyişən müxtəlif imkanlar təklif edir.
Məhz ekran yenilənmə sürətindəki bu yenilik oyun həvəskarları üçün möhtəşəm yenilik hesab oluna bilər. Yeni G4 seriyası G3-ün əhəmiyyətli dərəcədə parlaq ekranının arxasındakı Micro Lend Array texnologiyasını ilk dəfə daha böyük 83 düymlük monitora gəririr. Habelə simsiz görüntü ötürmə texnologiyasına malik daha kiçik 65 düymlük model də 2024 OLED M seriyasına əlavə edilir. Ümumiyyətlə bu il LG brendi keçək il təqdim etdiyi yenilikləri daha da təkmilləşdirməyə yönəlib. LG bildirir ki, M4 və G4-də yeni Alpha 11 çipseti əvvəlki modellə müqayisədə qrafik performansında 70 faiz, emal gücündə isə 30 faiz təkmilləşmə də təklif edir. Süni intellekt LG brendinin OLED-ləri üçün yeni bir şey deyil, lakin şirkət builki təkmilləşdirmələrin əvvəlkindən daha bacarıqlı və əhatəli olduğunu iddia edir. Yeni Alpha 11 çipseti məhz bulanıq obyektləri və fonları effektiv şəkildə təkmilləşdirmək üçün artıq dəqiq və piksel səviyyəli təsvir analizindən istifadə edir.
