IFA 2023 sərgisində təqdim edilən Lenovo ThinkVision 27 3D monitoru real üçölçülü təsvirlər yaratmaq üçün ağıllı göz izləmə sistemi və proqram təminatından istifadə edir. Gəlin görək Lenovo 3000 dollarlıq 3D 4K monitor xüsusiyyətləri ilə nə təklif edir. Ümumiyyətlə tədbir çərçivəsində texoligiya nəhəngləri bir-birindən fərqli texnologiyaları ilə diqqətləri cəlb edib. Məhz bu texnologiyalardan biri də Lenovoa brendi tərəfindən təqdim edilib. Texnologiya nəhənginin yeni ThinkVision 27 eynəksiz istifadə edilə bilən 3D monitoru artıq qarşımızdadır.
Əslində Lenovo brendinin yeni ThinkVision 27 3D monitoru standart monitorlara bənzəyir. 27 düymlük IPS LCD ekran, əla rəng dəqiqliyi, 60Hz yenilənmə tezliyi, 310 nit ekran parlaqlığı və 4K təsvir ölçüsü yeni monitorun əsas xüsusiyyətlərindəndir. Monitor göz oxşayan stereoskopik görünüş yaratmaq üçün paneli eyni vaxtda nümayiş olunan iki müstəqil 1920×2160 təsvirə bölür. Bu isə öz növbəsində real vaxt rejimində göz izləmə təsvirin həmişə dəqiq olmasını və illüziyanın təhrif edilməməsini təmin edir və istifadəçinin nəzarəti altında aydın, real 3D təsvir yaradılır.
Bundan əlavə yeni Lenovo ThinkVision 27 3D monitorundan istifadə etmək üçün ən azı Intel Core i5-7400 prosessoru, Nvidia GeForce GTX 1050 qrafik kartı və 16 GB DDR5 RAM olan bir sistemə sahib olmalısınız. Qiymət tərəfində isə yeni monitor 3000 dollar qiymət etiketi ilə 2024-cü ilin yanvar ayından əvvəlcədən müəyyən edilmiş ölkələrdə satışa çıxarılacaq.
