Hal-hazırda iPhone 14 seriyasının ən vacib 2 modeli olan iPhone 14 Pro və iPhone 14 Pro Max tədarükünün 85%-lik hissəsi Çinə bağlıdır. Çünki, smartfonların istehsal edildiyi ən böyük müəssisə məhz Çindəki Foxconn fabrikidir. Üstəlik nəzərə almaq lazımdır ki, iPhone 14 Pro və iPhone 14 Pro Max modelləri ümumi seriyaya olan tələbatın 80%-ə yaxın hissəsini özündə birləşdirir. Nəticədə iPhone 14 Pro və iPhone 14 Pro Max modellərinin istehsalında yaşanan problemlər şirkətin gəlirlərinin əhəmiyyətli dərəcədə azalma yaşanmasına səbəb ola bilər.
Çindəki son 6 ayın ən yük COVID halı məhz 200.000 insan işləyən Foxconn fabrikinin yerləşdiyi əraziyə təsadüf edir
Çin bu günlərdə “sıfır COVID” strategiyasını tətbiq edərək, kütləvi qapanmalar həyata keçirir. Lakin çox qəribə bir təsadüfdür ki, COVID halının ən çox qeydə alındığı yer məhz iPhone modellərinin istehsal olunduğu Foxconn fabrikinin yerləşdiyi ərazidir. Son 6 ayda ən çox yoluxma sayı məhz bu ərazidə 8000 nəfər olmaqla qeydə alındığından 200.000 insanın işlədiyi müəssisə artıq 1 həftəlik fəaliyyətini belə dayandırıb.
Analitiklərin verdiyi məlumata görə Apple şirkəti belə bir qapanmaya hazır olmayıb. Zhengzhou bölgəsində fabrikin fəaliyyəti il sonuna qədər bərpa olmayacağı təqdirdə smartfonun tədarükü fantastik dərəcədə azalacaq və satışlar 20% düşəcək. Digər bir tərəfdən Apple şirkətinin gəlirləri də 2023-cü ilə qədər 36% azalacaq.
Fabrikin yaşayacağı problemləri proqnozlaşdıran işçilər də Foxconn-dan bir neçə həftə əvvəl kütləvi formada ayrılmağa başlayıblar. Foxconn daha çox işçi cəlb etmək üçün saatlıq əmək haqqını artırmağa qədər müxtəlif motivasiya edici təkliflər etməsinə baxmayaraq məqsədinə istədiyi qədər nail olmayıb. Ona görə də istehsal müəssisəsi pandemiyadan qayıtsa belə tələbə uyğun iPhone 14 Pro və iPhone 14 Pro Max istehsalı mümkünsüz görünür. Ən yaxşı halda 2023-cü ilin əvvəlinə qədər yeni iPhone 14 seriyasının tədarükündə problemlərin yaşanacağı gözlənilir.
