Apple şirkəti hələ, iPhone 16 modelini təqdim etməyə hazırlaşsa da, smartfon seriyasının gələcəkdə təqdim edilməsi gözlənilən bir digər modeli barədə məlumatlar ortaya çıxıb. Belə ki, Apple şirkətinin 2025-ci ildən iPhone 17 və digər modellərində seriyanın ən yaxşı və ən bahalı modeli olaraq Slim versiyanı təqdim edəcək.
![iPhone 17 Slim bahalı](https://tedroid.com/media/2024/05/iphone-17-slim-en-bahali-modeli.webp)
Bundan əlavə, yeni smartfon seriyasında dizayn dəyişikliklərinin olması da gözlənilir. Görünən odur ki, uzun müddətdir gözlənilən dizayn dəyişikliyi məhz iPhone 17 ilə birlikdə təklif olunacaq. Bu ayın əvvəlində Apple-ın iPhone 17 Slim adlandıracağı incə dizaynlı bir model təqdim edəcəyi və Plus modellərini seriyadan çıxaracağı ilə bağlı xəbər ortaya çıxmışdı. İndi isə bu incə modelin Pro Max-dan belə daha yüksək qiymət etiketinə sahib olacağı və buna görə də, seriyanın ən baha modeli olacağı iddia olunur.
iPhone 17 Slim-in iPhone X dövründəki dizayn dəyişikliyinə bənzəyən, əhəmiyyətli dərəcədə incə yeni dizayn dilinə sahib olacaq. Arxa kamera massivinin dəyişməsi (yuxarı sol küncdən yuxarı ortaya) və daha dar dinamik adaya sahib olması gözlənilir. Ekran ölçüsünün 6,1 düym ilə 6,7 düym arasında olacağı bildirilir. Bundan əlavə, alüminimum korpus və qabaqcıl ön kamera cihazın gözlənilən dəyişiklikləri arasındadır. Bildirilir ki, Apple gələn il iPhone 17 Plus modelini təqdim etməyəcək ona görə də seriya dörd modeldən ibarət olacaq.