Son dövrlərdə Çinli texnologiya nəhənglərinə qarşı olduqca sərt addımlar atmağa başlayan ABŞ yeni mənbə kəşf edib. Belə ki, ABŞ nəhəng və heç istifadə olunmamış litium mənbəyi aşkar edib, bu ABŞ-dakı ən böyük litium yatağı hesab olunur. 2023-cü ilin sentyabrından bir mədən şirkəti tərəfindən maliyyələşdirilən elm adamları, Amerika Birləşmiş Ştatlarının vulkanlarından birində ən böyük litium yatağı kəşf etdiklərini açıqlayıblar. Vulkanoloqlar bunun Amerika Birləşmiş Ştatlarının qərbində dünyanın ən böyük litium yatağı olduğunu da bildirirlər.
![ABŞ litium mənbəyi](https://tedroid.com/media/2024/05/abs-neheng-litium-menbeyi-askar-1.jpeg)
Ümumiyyətlə, litium elementi əsasən batareya istehsalında istifadə olunduğu üçün onun gələcəkdə ABŞ elektromobillərinin inkişafında böyük fayda verəcəyi gözlənilir. 16 milyon il əvvəl yaranmış bu vulkan Nevada-Oreqan sərhəddində yerləşir. Maraqlısı budur ki, ABŞ tədqiqatçıları ölkədə digər bir litium mənbəyi aşkar ediblər. Belə ki, elm adamları ölkənin litium ehtiyacının demək olar ki, yarısını ödəyə biləcək daha bir istifadə olunmamış su anbarı aşkar ediblər. Litium, bəlkə də, ölkənin bərpa olunan enerjiyə keçidində ən vacib elementdir. Lakin ABŞ-da yalnız bir iri miqyaslı litium mədəni var, bu da o deməkdir ki, hazırda ABŞ litiumu idxal etməyə məcburdur.
ABŞ Enerji Departamentinin rəsmiləri bu vəziyyəti dəyişməkdə olduqca qərarlıdırlar. Onlar 2030-cu ilə qədər bütün litiumun hasil edilərək ölkə daxilində emal edilməsini istəyirlər. Lakin mədənçilik genişləyərsə bu gələcəkdə daha böyük fəsadlara yol aça bilərdi. Buna görə də, elm adamları yeni litium yataqları üçün axtarışa başladılar. Nəhayət ABŞ tədqiqatçıları axar sulardan belə litium əldə etməyi kəşf ediblər.
Energy Journal – Scientific Reports-da dərc olunan yeni bir araşdırma, ABŞ-ın litium ehtiyacının 40%-nin Pensilvaniyada tullantı sularından istifadə etməklə qarşılana biləcəyinə diqqət çəkib. Tədqiqatçılar litiumun əyalətdəki tullantı sularından ayrılaraq istehsal oluna biləcəyini söyləyir. Görünən odur ki, ABŞ yaxın gələcəkdə litium tərəfində heç bir problem yaşamayacaq və Çinli təchizatçılara ehtiyac duymayacaq.