Apple-ın bir neçə gün sonra təqdim edəcəyi iPhone 16 seriyasının top modeli olan iPhone 16 Pro Max-ın dizaynı və xüsusiyyətləri demək olar ki, tam şəkildə aydın olub. Yeni çıxan son məlumata görə, iPhone 16 Pro Max çərçivələri ilə “dünya rekordu” qıracaq.
Əslində, bu günə qədər analitiklər tərəfindən ortaya çıxarılan bütün iddialar yeni iPhone 16 seriyasının dizayn tərəfində kiçik dəyişikliklərə sahib olacağı barədə məlumat verirdi. Lakin Apple bu il kiçik dizayn dəyişikliyindən daha çoxunu edə bilər. Belə ki, Phone 16 Pro Max çərçivələri ilə “dünya rekordu” qıra bilər. Yeni bir iddiaya görə, iPhone 16 Pro Max dünyanın ən nazik çərçivəli smartfonu kimi rekord qıracaq. Bildiyimiz kimi, iPhone 16 Pro-da 6,3 düymlük, iPhone 16 Pro Max-da isə 6,9 düymlük ekranla qarşılaşacağıq. Bu, son illərdə iPhone-larda görülən ilk əhəmiyyətli ekran ölçüsü artımı olacaq. Lakin daha böyük ekranlara baxmayaraq, cihazların ölçülərində dəyişiklik gözlənilmir. Yadınızdadırsa, iPhone 15 Pro və iPhone 15 Pro Max təəccüblü dərəcədə nazik çərçivələrə sahib idi. Apple iPhone 16 Pro Max ilə sərhədləri aşmağa çalışacaq.
Ən son məlumatlara görə, iPhone 16 Pro 1.2 mm çərçivə ölçülərinə və Pro Max üçün 1.15 mm-ə sahib olacaq. Bu isə o deməkdir ki, yeni flaqman smartfon iPhone 15 Pro Max ilə müqayisədə 40 faiz daha nazik olacaq. Paylaşılan görüntülərdə fərqin kifayət qədər açıq olduğunu görürük. Bunun üçün daha əvvəl Apple-ın “aşağı enjeksiyon təzyiqli qəlibləmə” (LIPO) adlı texnika üzərində işlədiyi deyilirdi. Bununla belə, hesabat nisbətən yeni Border Reduction Structure (BRS) texnologiyasına işarə edir. BRS-ni mis kabelləri yuxarıya doğru əyərək panelin altındakı çərçivənin mümkün qədər incə olmasını təmin edən çərçivəsiz ekran texnologiyası adlandıra bilərik. Pis xəbər odur ki, bu yeni texnologiya iPhone 16 Pro və Phone 16 Pro Max-ın istehsal xərclərini artıra bilər və potensial olaraq qiymət artımına səbəb ola bilər.
