Garter tədqiqat firmasının dərc etdiyi yeni araşdırmaya görə, bütün məhsuldar süni intellekt layihələrinin üçdə biri uğursuz başa çatacaq. Bunun ən böyük səbəbi kimi isə bu layihələrin reallaşması üçün çəkilən xərclərdir.
Son zamanlar böyük diqqət çəkən generativ süni intellekt (Gen AI) layihələri yüksək xərclər və gözlənilən gəlirləri təmin edə bilməməsi səbəbindən çətin bir prosesdən keçir. Tədqiqat şirkəti Gartner tərəfindən dərc edilən son hesabata görə, 2025-ci ilə qədər süni intellekt layihələrinin ən azı üçdə biri konsepsiyanın sübut mərhələsindən sonra tərk ediləcək. Gartner-in görkəmli analitiki Rita Sallam bildirir ki, layihələrdən imtina edilməsinin ən böyük səbəblərindən biri yüksək ilkin investisiya xərcləridir. Şirkətlər Gen AI layihələrinin dəyəri ilə mübarizə apararkən, yüksək səviyyəli menecerlər investisiyaların sürətli şəkildə gəlir gətirməsini ümid edirlər. Bununla belə, layihələrin əhatə dairəsinin genişlənməsi inkişaf və yerləşdirmə xərclərinin artması ilə nəticələnir.
Gartner hesabatına görə, Gen AI layihələrinin xərcləri geniş şəkildə dəyişir. Aşağı səviyyədə şirkətlər Gen AI API-dən istifadə etmək üçün 100.000-200.000 ABŞ dolları məbləğində ilkin investisiya qoyurlar, halbuki istifadəçiyə düşən əlavə illik xərclər 550 dollara çata bilər. Digər tərəfdən, fərdi AI modellərini sıfırdan yaratmaq və ya “əsas” AI modellərini dəqiq tənzimləmək üçün xərclənən məbləğ 5 milyon dollardan 20 milyon dollara qədər dəyişir. Habelə, bir istifadəçiyə düşən illik xərclər 8.000-21.000 dollar arasında dəyişə bilər. Xərclərlə yanaşı, Gartner vurğulayır ki, qeyri-adekvat risk nəzarəti və zəif məlumat idarə edilməsi kimi amillər də Gen AI layihələrinin uğursuzluğuna səbəb ola bilər.
